Oıshyldyq oljasy

Eńbekte Prezıdent kóp­tegen kó­keıkesti máselelerdi qo­para qoz­ǵaǵan. Atap aıtqanda, myqty ári jaýapkershiligi joǵary Bir­tutas Ult bolý úshin bolashaq­qa qalaı qadam basatynymyz jáne buqaralyq sanany  qalaı ózgertetinimiz týraly oılarymen bólisken. 

Prezıdent óz eńbeginde  taptaýryn qaǵıdalardan arylmasaq kósh basyndaǵy eldermen tere­ze­mizdi teńep, ıyq tirestire almaı­tynymyzdy eskertedi. Nursultan Nazarbaev úsh nárse­niń – tarlan tarıhtyń, jasampaz búgingi kún men jarqyn bola­shaqtyń úılesimine qol jetkizýge úndeıdi halyqty. Eń aldymen, básekelik qabiletti kúsheıtýimiz kerektigin aıtady. Abaı óziniń qara sózderinde burynǵy ót­ken babalarymyzdyń ónege tuta­tyn qasıetteriniń arasynda na­mys­shyldyǵyn bóle ataǵan edi. Básekege qabilettilik degendi ábden ońaılatyp túsindiretin bolsaq, ózgeler jasaǵandy biz nege jasaı almaımyz, ózgeler ıgergendi biz nege ıgere almaımyz degen namysshyldyqty bárinen buryn ataǵanymyz jón. Qany­myzǵa sińgen kóptegen daǵdy­lar men qasań qaǵıdalardy ózgert­peıinshe, bizdiń tolyq­qandy jań­ǵyrýymyz múmkin emes. Ár nár­seni utymdy paıda­la­nýdy El­basymyz minez-qu­lyqtyń prag­matızmi dep ataǵan. Bolashaǵyńdy jospar­laý, ysyrapshyldyq pen astam­shylyqqa, dańǵoılyq pen kerdeń­dikke jol bermeý de osy zamanǵy pragmatızmniń naqty kórinisi bolýǵa tıis degendi aıtady Elbasymyz. Jańǵyrýdyń ózi jahandyq álemmen qabyspaıtyn daǵdylar men ádetterden arylýdy bildiredi. Sonymen bir­ge, eńbekte jantalasqa toly myna zamanda ózimizdiń tól bitimi­mizdi saqtaı alýdyń qanshy­lyqty mańyzdylyǵy da aıty­lady. Ulttyq salt-dástúrleri­mizdiń, tilimiz ben mýzykamyz­dyń, ádebıetimizdiń, joralǵylary­myzdyń qadir-qasıeti aspandata kór­setilgen. «Ulttyq rýhymyz boıymyzda máńgi qalýǵa tıis» – Elbasymyzdyń bul sózi ár qazaq­tyń, ár qazaqstandyqtyń júre­ginde jattalsa deımiz.

Jańǵyrýdyń jarqyn jolyn da osy eńbekten tabamyz: «Biz jańǵyrý jolynda babalardan mıras bolyp, qanymyzǵa sińgen, búginde tamyrymyzda búlkildep jatqan izgi qasıetterdi qaıta túletýimiz kerek». Ol qasıetter tamyrymyzda bar. Tamyrymyzda búlkildep jatqan sol qasıetterdi qaıta túletsek,  jerimiz de, elimiz de ózgeredi. Ol úshin ózimiz ózgerýge tıispiz. Al osy ońaı ma? Tipti de ońaı emes. Eńbekte Elbasy saıası reforma men ekonomıkalyq jańǵyrýdy qaıta túleýdiń aıryqsha mańyz­dy eki prosesi deı keledi de: «En­di osynyń bári­nen de aýqym­dy jáne irgeli jumys­tardy bastaǵaly otyrmyz», dep qadap kórsetedi. Iá, kelispeske ama­lyńyz joq: saıasatty ózgertý de qıyn, ekonomıkany ózgertý de qıyn, biraq sanany ózgertý bárinen de qıyn. Bári de oıdan bas­ta­lady. Oılaýdan bastalady. Pre­zıdent bizdiń barshamyzdy jańa­sha oılaýǵa shaqyryp otyr. Jańasha oılaýdyń úlgisin ózi kórsetip otyr.

Saýytbek ABDRAHMANOV,

Parlament Májilisiniń depýtaty