Qatardaǵy Qazaqstan azamatshasy retinde de, memlekettik qyzmetker retinde de maqalanyń ár sózi kóńilimniń tórinen oryn aldy jáne memlekettigimizdiń damýynyń kelesi kezeńinde júzege asyra otyryp, eń basty qundylyǵymyz – Qazaqstan táýelsizdigin saqtaý úshin josparlanǵan rýhanı jańǵyrýdyń tetigi, dep oılaımyn.
Iá, Elbasy Nursultan Ábishuly Nazarbaev anyq aıtqandaı, halyq básekege qabilettiligin arttyrsa ǵana tabysqa jetpek. Halyqtyń básekege qabiletti bolýy degenimiz – qoǵamnyń árbir múshesiniń áleýmettik, ekonomıkalyq, saıası básekege qabiletti bolýǵa umtylýy, ıaǵnı qoǵamdyq sananyń ósýin, jańǵyrýyn qamtamasyz etý.
Bul oraıda, qazaqstandyq áıelder qaýymdastyǵynyń qoǵamdaǵy orny, belsendiligi jyldan-jylǵa qarshyndap kúsheıip kele jatqandyǵy táýelsizdiktiń arqasynda qol jetken bir ıgiligimiz ekendigi anyq. Qazirgi ýaqytta bul baǵyttaǵy áleýettiń myqty ekendigin Prezıdent janyndaǵy Ulttyq komıssııa ótkizgen saraptamanyń nátıjesinde kórip otyrmyz.
Eń aldymen otbasylyq qundylyqtardyń ıesi, saqtaýshysy jáne kelesi urpaqqa jetkizýshisi retine, sodan keıin zaman talabyn – kásipkerlikti ıgergen, saıası belsendilik tanytyp, qyrýar áleýmettik jobalar men izdenisterdiń avtory bolyp otyrǵan qazaqstandyq áıelder qaýymdastyǵy Elbasy aıtqan jańa tarıhı kezeńde ultymyz úshin, memleketimiz úshin atqarylatyn asa mańyzdy mindetterdi belsendi túrde júzege asyrýshy, uıymdastyrýshy, bolmaq.
Lázzat SÚLEIMEN,
Qazaqstan Respýblıkasynyń Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa tóraıymynyń orynbasary
