– Bul bizdiń maqsat-muratymyzdyń strategııalyq baǵytyn anyqtaıtyn jańa baǵdarlama. Olaı bolsa, bizdiń dál qazir maqsatymyz anyq, mindetimiz aıqyn. Qazaqtyń qaıratker tulǵasy, jerlesimiz Ábish Kekilbaıuly bir sózinde: «Dástúr-ádeppen, ádet-ǵuryppen, myń jyldap qalyptasqan daǵdymen kúresý esýastyq. Biraq onyń bárin jańa jaǵdaıǵa laıyqtamaı, jańǵyrtpaı, sol qalpynda ustanýǵa tyrysý – óz aıaǵyńdy óziń tusap, óz qolyńdy óziń kisendeýmen bara-bar» degen eken. Elbasynyń bul usynǵan baǵyt-baǵdary halqymyzdy rýhanı jańǵyrýǵa jeteleri anyq, degen aımaq basshysy Eraly Toǵjanov maqaladaǵy basty baǵyttarǵa jeke-jeke toqtalyp, oılardy jergilikti jerdegi mysaldarmen sabaqtastyra baıandady.
Bilim berý salasynyń ardageri Q.Qarajanov, Aqtaýdaǵy Sh.Esenov atyndaǵy Kaspıı memlekettik tehnologııalar jáne ınjınırıng ýnıversıtetiniń oqytýshysy G.Adambaeva, «Qarajambasmunaı» AQ kitaphanashysy G.Nurqalı, aqyn A.О́tegenov, jas muǵalim M.Aǵylaev, «Daǵystan» etnomádenı birlestigi tóraǵasynyń orynbasary Z.Qazıeva maqalada aıtylǵan máselelerge qatysty pikirlerin ortaǵa saldy.
– Biz Elbasy usynǵan maqalany talqylamaımyz, kerisinshe ony júzege asyrýdyń ádis-tásilderin qarastyramyz. Árbir adam Elbasynyń «Bolashaqqa baǵdar: rýhanı jańǵyrý» maqalasynan ózine qajetti tusty tańdap, «men osyny júzege asyrsam qalaı bolady?» nemese «Meniń qolymnan ne keledi?» dep irgeli iske óz úlesin qosýǵa umtylýy qajet. Sebebi, bul – bizdiń elimiz, bizdiń ultymyz jáne bizdiń bolashaǵymyz úshin qajetti bastama, qajetti qundylyqtar, – dedi G.Nurqalı.
– Ultjandylyqty uran etip ósken qazaqtyń bir perzenti retinde meni Elbasynyń «Bolashaqqa baǵdar: rýhanı jańǵyrý» atty maqalasy erekshe shabyttandyrdy. Ony oqyp otyryp, týǵan halqymnyń tól tarıhyn, dástúrin, mádenıetin dáripteý jolynda mýzeıde jumys jasap júrgenim – shyn máninde óz ultyma jasap júrgen qyzmetim ekenin dál búgingideı tereń sezinbegen bolarmyn. Búkil adamzattyń damý tarıhy, túptep kelgende, mádenıet tarıhynan bastalatyny sózsiz. Munyń dáleli – Elbasymyzdyń 2012 jylǵy Joldaýyndaǵy «Mádenıet pen dástúr – ulttyń genetıkalyq kody» degen qanatty sózi. Adam balasy óziniń tól mádenıetin tanymaı, álem mádenıetine aıaq basa almaıdy, tarıhtyń kóshine ilese almaıdy. Endeshe, aldymyzdaǵy jahandyq úrdiste óz ulttyq ereksheligimizdi saqtap qalýdyń alǵysharttaryn usynǵan osy maqala árbir Qazaqstan azamatynyń júregine jol tabady dep oılaımyn. Ultqa adal qyzmet etý, onyń qundylyqtaryna murager bolý – onyń tarıhyna, mádenıetine, barsha rýhanı baılyqtaryna muralyq etý degen sóz, – dedi Mańǵystaý oblystyq tarıhı-ólketaný mýzeıiniń mamany N.Kálkenbaeva.
Jıyndy qorytqan oblys ákimi E.Toǵjanov usynystardy júzege asyrý joldary qarastyrylatynyn aıtyp, mańǵystaýlyqtardy Elbasy maqalasyna oraı óńirdi, eldi damytý baǵytynda birlese jumys jasaýǵa shaqyrdy.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
