Osyǵan oraı О́skemendegi A.Pýshkın atyndaǵy oblystyq kitaphanada «Alash týy astynda Kún sóngenshe sónbeımiz» atty mádenı shara ótti. Shara barysynda Sársen Amanjolov, Balamer Saharıev, Boshaı Kitapbaev, Qumash Nurǵalıev, Oralhan Bókeı, Álibek Asqarov, Dıdahmet Áshimhanov syndy esimderi elge belgili tulǵalardy túletken mektepte ár jyldary sabaq bergen muǵalimder men tálim alǵan shákirtter estelikter aıtty.
– Shyńǵystaı mektebinde myqty dástúr bar. Osy bilim ordasynan mektep bitirgender arasynan qalam ustap, jazýshylyqqa bet burǵandar kóp. Nege? Bireýler aıtady: «Jomart Nurǵalıev degen ádebıetshi ustazymyz boldy. Sol kisiniń myqtylyǵynan», dep. Ol kisiniń myqtylyǵyna kúmánimiz joq. Biraq oılap otyrsam, sonaý 1914 jyldary bul mektepke Sultanmahmuttyń kelýimen arada bir sabaqtastyq, baılanys bar sııaqty. Keıin qazaq ádebı synyna Balamerdiń shyǵýy, sodan soń Oralhannyń kelýi, odan keıingi Álibek, Dıdahmetterdiń ádebıetke tyńnan túren salýy, osylardyń arasynda bir berik rýhanı baılanys bar, – dedi kezdesýde sóz alǵan jazýshy, osy mekteptiń túlegi Álibek Qańtarbaev.
Osy mektepte oqyǵan Erbol Baıanǵazın Keńes Odaǵynda «KSRO halyq muǵalimi» ataǵyn 11 adamnyń alǵanyn, onyń úsheýi elimizden, úsheýdiń biri osy mektep túlegi Qumash Nurǵalıev ekenin, bul shańyraqty támamdaǵan túlekter arasynan 27 jazýshy shyqqanyn aıtyp, kitaphanaǵa óziniń Shyńǵystaı aýyly týraly jazǵan kitabyn tartý etti.
Azamat QASYM,
«Egemen Qazaqstan»
О́SKEMEN
