Júzdesý barysynda eki qalanyń yntymaqtastyq perspektıvalary talqylandy. Sondaı-aq EKSPO-2017 kórmesi kezinde Beıjiń kúnderin ótkizý jaıy talqylandy.
Astana ákimi Qazaqstandaǵy Qytaı týrızminiń jyly sheńberinde iskerlik jáne mádenı baılanystardy keńeıtýdegi týrıstik salanyń áleýeti zor ekenin atap ótip, Beıjiń týrısterin EKSPO-2017 kórmesine shaqyrdy.
Qytaıdyń halyqaralyq saýdany qoldaý jónindegi komıtetiniń aqparyna sáıkes, EKSPO-2017 sheńberinde 300 myńǵa jýyq týrıst Qazaqstanǵa saparlap kelýdi josparlap otyr.
Kórme barysynda Qytaıdyń 22 provınsııasynan kelgen delegasııalar óz ekspozısııalaryn usynyp, ózderiniń iskerlik áleýeti men mádenıetin tanystyrmaq.
Kezdesý barysynda Qazaqstan-Qytaı jobalarynyń biri bolyp tabylatyn Astanadaǵy jeńil relsti kólik (LRT) qurylysynyń jobasy talqylandy.
Á. Isekeshev Astana men Beıjiń arasynda kólik basqarý salasynda turaqty áriptestikti jáne tájirıbe almasýdy jolǵa qoıýǵa múddelilik tanytty. Sondaı-aq, qala basshylary ekonomıkalyq salada yntymaqtastyqty keńeıtý boıynsha birqatar baǵyttardy belgiledi.
Sonymen qatar, Astana ákimi jumys sapary barsynda kólik, qurylys, ındýstrııalyq parkterdi, Smart-tehnologııalardy damytý, sporttyq nysandardy basqarý salalaryndaǵy Qytaıdyń aldyńǵy qatarly kompanııalar ókilderimen kezdesti. Buǵan qosa, ShYU hatshylyǵynda bolyp, uıymnyń bas hatshysy Rashıd Alımovpen ekijaqty yntymaqtastyq máselelerin talqylady.
