Aımaq basshysy M.Myrzalınge Atbasardaǵy jaǵdaı týraly aýmaqtyq TJD bastyǵynyń orynbasary Qanat Dospaev aıtyp berdi.
Onyń sózinshe, Jabaı ózenin boılaı ornatylǵan sý bógetiniń boıynda aqaý shyqqan. Inertti materıal salynǵan qaptarmen nyǵaıtylǵan, odan oń nətıje shyqpady. Sol sebepti qosymsha kotlovan qazylǵan. Qazirgi kezde mundaǵy jaǵdaıdy turaqty dep aıtýǵa bolady.
Aıta keteıik, qazirgi kezde Atbasar qalasynda sý alǵan úıler joq. Qaýipti aýmaqta ornalasqan 20 úıdegi 12 otbasy (41 adam) men úı janýarlary qaýipsiz jerge kóshirildi.
Jalpy, sý tasqynynyń aldyn alý sharalaryna TJD, jergilikti atqarýshy organdar, jergilikti polısııa qyzmeti, azamattyq qorǵanys qyzmetkerleri men ulttyq gvardııa sarbazdary jəne Kókshetaý tehnıkalyq ınstıtýtynyń kýrsanttarynan quralǵan 300 adam jəne 50 arnaıy tehnıkasy, sondaı-aq 16 qutqarý jəne sý sorǵysh tehnıkasy jumyldyrylatyn.
Aımaq basshysy sý tasqynyna sharalardy joǵary deńgeıde uıymdastyrýdy, barlyq kúshti jumyldyra otyryp, jaǵdaıdy turaqty baqylaýda ustap otyrýdy tapsyrdy.
Eske sala keteıik, ótken jyly Atbasar qalasynda sý tasqynyna jol bermeý maqsatynda Jabaı ózenin boılaı uzyndyǵy 9 shaqyrym sý bógeti turǵyzylǵan bolatyn.
Aımaq basshysy Atbasardaǵy jaǵdaıǵa qanyqqan soń, Arshaly aýdanyna attandy. Osy kúni Atbasardan bólek Arshaly aýdanyndaǵy eldi mekenderge de qaýip tónip tur.
