Sheshýshi básekede Dımash Shań Venjemen birge Maıkl Djeksonnyń «The Way You Make Me Feel», «Erth song» jáne «Billie Jean» ánderin shyrqady. Sondaı-aq, kórermender Dımashtyń baraban aspabyndaǵy ónerine tánti boldy.
Aqtyq básekede toǵyz jup óner kórsetti. Dý Lısha (Teresa Carpio) jáne Pen Djııahýeı jartylaı fınalda sońǵy orynda bolǵandyǵy sebepti bir jup bolyp óner kórsetip, qalǵan segiz juppen básekege túspeıtin boldy.
Aıta keteıik, «Singer 2017» realıtı-shoýy Koreıa Respýblıkasy MBC telearnasy «I am singer» ánshiler jarysy realıtı-shoýynyń qytaılyq nusqasy. Án baıqaýy Qytaıdyń Hýnan telearnasynan 2013 jyldan bastap efırde kórsetile bastady. Jobaǵa Qytaı estradasynyń jaryq juldyzdary, sondaı-aq Koreıa, Makao, Gonkong, Sıngapýrdan Qytaıǵa aty málim ánshiler shaqyrylatyndyqtan, telejoba elde erekshe tanymal.
«I am singer» tele-shoýynyń besinshi maýsymy 2017 jyly Qytaı úkimetiniń Koreı oıyn-saýyq mádenıetine shekteý qoıýynyń saldarynan «Singer 2017» bolyp ózgertilip, mazmuny jáne baıqaý sharttary jańartyldy.
Dımash baıqaýdaǵy eń alǵashqy Qytaı mádenıetine jaqyn emes ult ókili. Áıtse de, Dımashtyń erekshe talanty bul joba arqyly kúlli álemge tanyldy. Otandasymyz baıqaýdyń on kezeńnen turatyn irikteý básekesinde úsh ret birinshi oryn aldy.
