Qytaıdyń Hýnan telearnasynyń «Singer 2017» jobasynda juldyzdaı jarqyrap kóringen, áni arqyly qazaq atyn álemge pash etken, naǵyz daryn ıesi, shyn talant Dımash Qudaıbergen ózine, ónerine qoldaý kórsetken barsha jankúıerlerine alǵysyn bildirdi.
Ol óziniń Instagram jelisindegi paraqshasynda: «Júregim óner dep soǵady, maqsatym án aıtý, kúlli álemge ishimde jatqan bardy jar salý... Mindetim, qazaq ánin pash etý, jankúıerlerime jan júregimde jatqan jyrdy jyrlaý, ónerimdi baǵalaıtyndarmen birge tolǵaný, tebirený!... Meniń áli aıtarym bar! Bul bastamasy! Jeńis qutty bolsyn!!! Júregim Sizdermen birge!!! Ystyq yqylastaryńyz úshin raxmet!!!», - dep jazdy.
Dımash Qudaıbergen on kezeńnen turatyn irikteý básekesinde úsh ret birinshi oryn aldy.Tyńdarmannyń erekshe yqylasyna bólendi. Al aqtyq synda oǵan ekinshi oryn buıyrdy.
