Ozyq tehnologııalar – órkendeý kepili

Qazaqstan Premer-Mınıstri B.Saǵyntaevtyń kestesindegi alǵashqy kezdesýlerdiń biri Nıý-Iorkte AQSh-tyń: Citigroup, Mastercard, Berkley, Morgan Stanley, Black Rock, Goldman Sachs sııaqty asa iri qarjy ınstı­týtta­rynyń sondaı-aq, álemdik reıtıng agenttikteri: Moody’s, Standard&Poor’s, Greylock Capital, Guggenheim International, Alliance Bernstein, Public Capital Advisors, Business Council of International Understanding ókilderimen júz­desýi boldy.

Kezdesýge qatysýshylar álem­­­­dik ekonomıka jáne Qazaq­stan­nyń ekonomıkalyq saıasaty damýynyń ózekti máselelerin, sondaı-aq, birlesken jobalardy júzege asyrý, ınvestısııalar tartý, ınfraqurylymdyq jobalardy qarjylandyrý jáne aktıvterdi basqarý múmkin­dikterin talqylady.

Qazaqstan Premer-Mınıstri B.Saǵyntaev «Chevron» korpo­rasııasynyń Eýrazııalyq aımaq boıynsha basshysy T.Levımen kezdesti.

Kezdesý barysynda taraptar munaı-gaz salasynda yn­tymaqtastyqty odan ári keńeıtý máselelerin talqylady.

Sodan keıin Baqytjan Sa­ǵyntaev Nıý-Iork qalasynyń eks-meri Rýdolf Djýlıanımen kezdesti.

Dıalog aıasynda telekom­mý­nıkasııalyq ınfraqurylymdy damytý salasyndaǵy ózara is-qımyl jáne yntymaqtastyq máseleleri talqylandy.

Premer-Mınıstr sondaı-aq, «Citigroup» kompanııasynyń pre­zıdenti Djeıms Foresemen kezdesti.

Taraptar qarjy-banktik ózara is-qımyldy tereńdetý másele­lerin, sondaı-aq, Qazaqstannyń ınvestısııalyq múmkindikterin talqylady.

Budan keıin Baqytjan Sa­ǵyntaev «WR Berkley Group» saqtandyrý kompanııasynyń tór­aǵasy B. Barklımen jáne «Robotti & Company Advisors LLC» kom­panııasynyń basshysy I. Shvars-manmen kezdesý ótkizdi. Onyń barysynda saqtandyrý jáne elimizdiń bank salasyna ınves­tısııalar tartýdyń zamanaýı te­tikteri talqylandy.

Budan ári  Premer-Mınıstr B.Saǵyntaev «Bloomberg» kompa­nııasynyń negizin qalaýshy jáne Nıý-Iork qalasynyń eks-meri M.Blýmbergpen kezdesý ótkizdi.

B.Saǵyntaev M. Blýmbergpen Qazaqstannyń qarjy naryǵyn jáne «Astana» halyqaralyq qar­jy ortalyǵyn damytý sala­syndaǵy yntymaqtastyq másele­lerin talqylady. Kezdesý­diń mańyzdy nátıjesi Astanada Blýmberg telearnasy men keńse­sin ashý týraly kelisim boldy.

Sodan keıin Baqytjan Saǵyn­­taev «GE Transportation» kom­panııasynyń bas atqarýshy dırektory Dj.Mıllermen kez­desti.

Áńgimelesý barysynda ta­rap­tar gaz salasyndaǵy yn­ty­maq­tastyq máselelerin talqylady.

Sondaı-aq, Nıý-Iorkte Baqyt­jan Saǵyntaev AQSh-tyń «I Scuared Capital», «General Electric», «Grace, Robotti & Com­pany Advisors», «AGCO», «AES», «Black and Veatch», «Ameri­can Industrial Acquisition Corp­oration» sııaqty jetekshi kompa­nııalarymen Qazaqstan ekono­mıkasyna ınvestısııalar men jańa tehnologııalar tartý máse­lelerin talqylady.

«OSI Systems», «Pfizer» jáne «GE Transportation» kompanııa­larymen kezdesýler aıasynda Qa­zaq­standa tehnologııalyq jab­dyqtar óndirisine ınvestısııalar tartý týraly, al «Rahal Foods» kompanııasymen orga­nıkalyq azyq-túlik óndirisi turǵysyndaǵy yntymaqtastyq týraly kelisim jasaldy.  

Premer-Mınıstr «OSI Systems» kompanııasynyń atqarý­shy vıse-prezıdenti A. Mehramen kezdesý ótkizdi.

Kompanııanyń Astana qalasy­nyń áýejaıy men qazaq­standyq keden beketterine Rapiscan skanerleý júıelerimen jabdyqtaý júrgi­ze­tindigi týraly kelisimge qol jetkizildi.

Odan keıin B.Saǵyntaev «Pfizer» kompanııasynyń vıse-pre­­zı­denti M.Gettlermen kezdes­ti. Qazaqstanda vaksınalar ón­diretin zaýyt salý týraly keli­sim­ge qol jetkizildi.

Budan ári Premer-Mınıstr ekonomıst N.Rýbınımen mańyzdy ári qyzyqty kezdesý ótkizdi. Ja­handyq jáne aımaqtyq ekono­mıkalyq damý taqyryby boıynsha pikir almasý ótti.

Kelesi kúnniń tańerteńinde Premer-Mınıstr «Cisco» keńse­sin aralady jáne kompanııanyń Dırektorlar keńesiniń tóraǵasy Dj.Chamberspen kezdesý ótkizdi.

«Cisco» kompanııasynyń negizi 1984 jyly qalanǵan jáne qazirgi ýaqytta keń kólemdi jeli jabdyqtaryn shyǵarady, olardyń qatarynda marshrýtızatorlar, IP-telefonııa ónimderi, Ethernet-kommýtatorlar, jeli qaýipsizdigi qurylǵysy, Wi-Fi ruqsat núktesi, optıkalyq kommýtasııa platformalary, ATM-kommýtatorlar t.b. bar.

Qazaqstan úshin osyndaı ataq­ty álemdik kompanııamen ynty­maqtastyq Memleket bas­shy­synyń Joldaýynda usynyl­ǵan el ekonomıkasyn jańǵyr­­tý boıynsha mindetter turǵysynda erekshe mánge ıe.

Osynda «Sıfrly Qazaqstan» baǵdarlamasyn júzege asyrý aıasynda «Zerde» AQ pen «Cisco» kompanııasy arasynda ynty­maqtastyq ornatý týraly memo­randýmǵa qol qoıyldy.

San-Fransıskoda B.Saǵyn­taev ataqty ekonomıst A.Laf­fermen kezdesti. Kez­desý barysynda jahandyq ekonomıkadaǵy ózekti úrdister, zamanaýı salyq saıasatynyń erekshelikteri tal­qylandy.

Sodan keıin Premer-Mı­nıstr Robomatter Inc. prezı­denti Skıp Smıtpen kezdesý ótkizdi, onyń barysynda kompanııanyń ınno­vasııalyq bilim berý baǵdar­la­malaryn Qazaqstanda, jastardy kom­pıý­terlik ǵylymdarǵa baǵ­dar­lamalaýǵa jáne robotty teh­nıkaǵa oqytý jáne daıarlaý úshin qoldaný múmkindigin talqylady.

Odan keıin, Baqytjan Saǵyn­taev «Tesla Motors» keńsesine baryp, onda robotty tehnıka men baǵdarlamalaýǵa negizdelgen elektromobılder óndirisiniń tolyq kezeńimen tanysty.

Budan keıin Baqytjan Sa­ǵyn­­taev «Shevron» kompa­nııa­synyń tóraǵasy Djon Ýot­sonmen kezdesti. Áńgimelesý bary­syn­da taraptar munaı ónim­deriniń álemdik naryǵyn damy­­týdyń qazirgi jaǵdaıy men boljamdaryn, elimizdegi munaı-gaz joba­laryndaǵy ynty­maqtas­tyqty keńeıtý máse­le­lerin, sonymen qatar, Qazaq­standaǵy Bolashaq keńeıý jobasyn talqylady.

Premer-Mınıstr «IBM Watson West» ortalyǵyn aralady, onda Baqytjan Saǵyntaevqa kompanııanyń jasandy zerde, beıne men saraptaýdy tanyp-bilý salasyndaǵy ázirlemeleri men «aqyldy» qalalarǵa arnalǵan ınnovasııalyq sheshimderi tanys­tyryldy.

Sapar qorytyndysy boıyn­sha «IBM» kompanııasy men «ITP» DKQ arasynda Astana qala­syn­da qarjylyq tehnologııalar, «Aqyldy qala» boıynsha tehnolo­gııalar jáne qala qu­rylysy men ony paıdalanýdy bas­qarýǵa arnalǵan tehnologııalar boıyn­sha qoldanbaly zertteýlerge arnalǵan zerthana qurý boıynsha memorandýmǵa qol qoıyldy.

Sondaı-aq, Baqytjan Saǵyn­taev «Autodesk» kompanııasynyń keńsesine baryp, kompanııa vıse-prezıdenti Devıd Kreınmen kez­desti.

Taraptar Qazaqstanda Auto­desk quzyret ortalyǵyn qurý máse­lesin talqylady.

Sonymen qatar, «Autodesk» kompanııasymen birlesip, qazaq­standyq jańa qurylys materıal­darynyń sapasyn anyqtaý jáne sertıfıkattaý zerthanasy qu­rylatyn bolady.

Premer-Mınıstrdiń keste­sindegi asa mańyzdy shara­lar­dyń biri – «Project: Collider» teh­nologııalyq forýmy boldy, onda B.Saǵyntaev ınnovasııalar salasyndaǵy álemdik kóshbasshy kompanııalardy Qazaqstan eko­no­mıkasynyń jańǵyrtylý úderisine belsendirek qatysyp, ınves­tısııa quıýǵa shaqyrdy.

Premer-Mınıstr «Bridge West Group» Dırektorlar keńe­siniń tóraǵasy Ması Taebı­men kezdesý ótkizdi, onyń qo­ry­tyn­dysy boıynsha «Qazaq­te­le­kom» AQ-pen memorandýmǵa qol qoıyldy, onda Internetke qol­jetimdilik jelilerin aýqymdy damytý maqsatynda amerıkalyq kompanııanyń jabdyqtaryn satyp alý boıynsha yqtımal yntymaqtastyq kózdelgen.

Sodan keıin «Learn Capital» basqarýshy seriktesi G.Maýro­men kezdesý ótti, onyń qorytyn­dysy boıynsha QR BǴM «Aqpa­rattyq-taldaý ortalyǵy» AQ-pen «charterlik mektepter» dep atalatyn úlgi boıynsha ınno­vasııalyq bilim berýdiń qanat­qaqty jobasyn damytý boıynsha yntymaqtastyq týraly memo­randýmǵa qol qoıyldy.

Qazaqstan Premer-Mınıstri B.Saǵyntaevtyń AQSh-qa jumys sapary aıasynda Kremnıı alqa­bynda Qazaqstannyń ókildigin ashý týraly kelisimge qol qoıyl­dy.

Innovasııalyq ókildik Krem­nıı alqabynda Qazaqstannyń teh­nologııalyq startaptaryn damytý platformasymen qamtamasyz etedi, elimizdegi kásipkerlik pen ǵylym­dy da­mytýǵa eń úzdik tehno­logııalyq ıdeıalar men úde­risterge qoljetimdilikpen qam­tamasyz etedi. Sondaı-aq, Qazaq­stannyń iri korporasııalaryna álemdik deńgeıde ınnovasııalyq ózara is-qımyl jasasý, biregeı aqparat pen resýrstardyń qol­jetimdi bolý múmkindigi bar.

Sonymen qatar, Premer-Mınıstr B.Saǵyntaev «DFJ» kom­panııasynyń keńsesine baryp, onyń negizin qalaýshy T. Dra­permen kezdesti.

«DFJ»-tyń birqatar qazaq­standyq kompanııalarǵa qoldaý kórsetýi týraly ýaǵdalastyqqa qol jetkizildi. Aıta ketý kerek, «DFJ» kompanııasy tehnologııalar salasynda damý satysyndaǵy jáne bastapqy satydaǵy jobalar­dy ınvestısııalaýǵa baǵdar­lanǵan.

Baqytjan Saǵyntaev Kremnıı alqabynyń ınnovasııalyq orta­lyǵynyń keńsesine  baryp, sarapshylar tobymen jáne ortalyq prezıdenti A.Kýnovpen kezdesti.

B.Saǵyntaev «Plug and Play Tech Center» kompanııasynyń keń­­sesinde de boldy.

Odan keıin  Premer-Mınıstr «Jabil» kompanııasynyń keńsesine bardy, ol túrli salalardaǵy ja­han­dyq tehnologııalyq korpora­sııalarǵa elektronıkalardy jobalap, ázirleý boıynsha keshendi qyzmetter kórsetetin álemdegi eń iri óndiristik kompanııalardyń biri.

Sonymen qosa, Baqytjan Saǵyntaev «Google» keńsesinde bolyp, onda kompanııanyń IT-salasyndaǵy qazirgi ázirle­mele­rimen tanysty, sonymen qa­tar, qyzmetkerlermen Qazaq­stanǵa qajetti jobalardy tal­qylady.

Baqytjan Saǵyntaev «Micro­soft» korporasııasynyń ujym­­­dyq vıse-prezıdenti D.Le­vın­men kezdesý ótkizdi. Kezdesý barysynda kompanııanyń baǵdar­lamalyq sheshimderin Qazaq­stan­nyń shaǵyn jınaqty mektep­terine engizý máselesi tal­qylandy.

Osylaısha, Premer-Mınıstr Baqytjan Saǵyntaevtyń Ame­rıka Qurama Shtattaryna jumys sapary aıaqtaldy. О́tkizilgen kez­desýler men qol qoıylǵan qu­jat­tar Qazaqstanǵa elimizde sıfrly ınfr­aqurylymdy damy­týǵa jaǵdaı jasaýǵa, jańa ın­dýstrııalar­dy taratýǵa, Indýs­trııa 4.0 element­terin ulttyq eko­­­nomıkaǵa ınte­grasııalaýǵa kó­mek beredi.