Memleket basshysy usynyp otyrǵan mádenı reforma óte der kezinde usynylýymen mańyzdy. Munsyz ekonomıkalyq jáne basqa da salalyq ózgerister báribir tıimsiz bolar edi. 2017 Qazaqstan damýy úshin ózgeriske toly jyl bolmaq. Ekonomıkalyq jańǵyrý men konstıtýsııalyq reformamen birge Prezıdent óte ózekti máseleni – adam kapıtaly máselesin alǵa tartyp otyr. Básekelestikte jetistikke jáne kóshbasshylyqqa jetkisi keletin halyq ulttyń básekelestikke qabilettiligin arttyra otyryp, búgingi kúnniń jáne bolashaqtyń azamatyn qalyptastyrýda ony kóp til biletin, mádenıetti, ózin ǵana emes, jaqyn ári alys kórshisine qurmetpen qaraıtyn jan-jaqty bilimdi, saýatty tulǵaǵa aınaldyrýdy kózdeıdi.
Men el Prezıdentiniń bastamasymen qurylǵan Mádenıetterdi jaqyndastyrý ortalyǵyna jetekshilik jasaımyn. Bul ortalyqtyń qyzmeti men mindeti bizdiń azamattarymyzdy kelisim rýhyna, búkil álem jáne Qazaqstan azamattary ustanatyn óziniń jáne ózgeniń dinine, mádenıetine qurmetpen qaraý isine úılestirilgen. Bul qasıetter bizdiń ata-babamyzǵa da, halqymyzǵa da eshkim syrttan ákep tańbasa da, tabıǵatyna tán bolyp keledi. Búkil mádenıetter men dinniń suhbat almasý soqpaǵy bolyp bizdiń dalamyzdy kóldeneńinen kesip ótken Uly Jibek jolyn eske alaıyqshy. Jetisýdyń eń iri saýda jáne qolóner ortalyǵy bolǵan Qoılyq qalasynda musylman da, hrıstıan da, býdda ókilderi de qoıan-qoltyq ómir súrgen. Bul jóninde HIII ǵasyrdyń ortasynda fransýz koroli IH Lıýdovıktiń Móńke hanǵa jolyǵýǵa jibergen ókili Gılom de Rýbrýk jazyp qaldyrǵan. Ol Qoılyq qalasynda bolyp, kórgenin sýrettep jazǵan. Rýbrýk qaladan meshitti de, býdda hramyn da, hrıstıan shirkeýin de, manıheı ǵıbadathanasyn da kórgenin aıtady. Qoılyq qalasyn qazǵan arheologtar osy atalǵan nysandardyń qaldyqtaryn tapqanda, eriksiz bas shaıqady.
Árbir qazaqstandyq óz eliniń patrıoty bolýǵa mindetti dep esepteımin. Memleket basshysy «Týǵan jer» baǵdarlamasy men «Qazaqstannyń kıeli jerleriniń geografııasy» jobasyn jasaýdy beker tapsyryp otyrǵan joq. Patrıotızm óz tarıhy men tamyryn bilýmen tikeleı baılanysty. Bizdiń halqymyzdyń tarıhy óte baı. Otyrar men Túrkistan, Taraz ben Saýran qalalary tarıhtyń ǵajaıyp áýenine tunyp tur. Qazaq handyǵynyń baıtaq jerin tutasymen saqtap qalý úshin kúresip, Qazaqstannyń azattyǵy jolynda arpalysyp, bar ómiri at ústinde ótken batyrlarymyzdyń esimi bizge málim. Belgili tarıhı oryndardy tanyp, olardy qasterleı bilý óskeleń urpaqty patrıottyq rýhta tárbıeleýde mańyzy zor. О́ziniń týǵan jerine, óz halqy men babasyna súıispenshiligi, qurmeti joq adamnyń jer betindegi izgilik úshin bir uly is jasaıdy degenge óz basym sene almaımyn.
Qazaqstan bar bolǵany 25 jylda álemdik saıası arenada moıyndalyp, damyǵan táýelsiz memleketke aınalýyna kóptegen kórnekti zamandastarymyz qol ushyn sozdy. Biz olardy bilýimiz kerek jáne ol adamdardyń óresimen teńesýimiz kerek.
Jalpy alǵanda, Prezıdenttiń bul jańa maqalasy – Qazaqstan jańǵyrýyna zamanmen úndes adamnyń kózqarasy turǵysynan jańasha qaraý. El men qoǵamdy quryp jatqan bizdiń árqaısymyz dál osy memlekette ómir súrý men eńbektenýge qolaıly jaǵdaı týǵyzýǵa múddeli bolýymyz kerek.
Karl Baıpaqov,
akademık
ALMATY
