«Madıar Nemzet» basylymy: Qazaqstan 2025 jyldan bastap latyn álipbıine kóshedi

Sarapshylar bul jańalyqty eldiń baǵyt-baǵdarynyń órkenıetti túrde ózgerýi dep baǵalaýda. Degenmen, bul saıası turǵyda Astana Reseıge arqasyn beredi degendi bildirmeıdi.  

Maqalada Memleket bas­shysy Úkimetke latyn álipbıin qoldaný boıynsha ázirlik jumystaryn bastaýdy tapsyrdy. «Egemen Qazaq­stan» gazetinde Nursultan Nazarbaev aǵymdaǵy jyldyń sońyna deıin jańa qazaq álipbıi men jazý normalary ja­salatynyn, al 2025 jyl­ǵa qaraı el tolyqtaı latyn álipbıine kóshetinin málimdedi. Memleket basshysy kırıllısa 1940 jyly saıası kózqarastar boıynsha engizilgenin, oǵan deıin qazaqtar arab álipbıin paı­dalanǵanyn eske saldy. Pre­zıdenttiń paıymdaýynsha, jańa álipbıge ótý qıyndyq týǵyzbaýǵa tıis, sebebi, qazir­gi jas býyn aǵylshyn tilin mektep qabyrǵasynan bastap oqıdy, olarǵa latyn álipbıin qabyldaý qıynǵa soqpaıdy.

Usynylyp otyrǵan ja­ńa­shyldyq tehnıkalyq ma­mandyqtardy aǵylshyn ti­linde oqýdy jeńildetip, teh­nologııalyq jańarý baǵdar­lamasyn júzege asyrýǵa yq­pal etedi, kóptegen pánderdi bastaýysh synyptan bastap, Shekspırdiń tilinde ótýge múm­kindik beredi. Búgingi tań­da Túrkııadaǵy, sondaı-aq Ba­tys Eýropadaǵy dıasporalar latyn álipbıiniń qazaqsha nusqasyn qoldanatynyn aıta ketý kerek. Latyn álipbıin engizý máselesi Qazaqstanda 2007 jyldan beri talqylanyp keledi, alaıda kúni búginge deıin oǵan qatysty sheshim shyqpaǵan edi.

Latyndy paıdalaný ar­qyly Astana Batys elde­rine bet burady, Túrkııaǵa burynǵydan da jaqyndasa túsedi. Oǵan  tańǵalýdyń jó­ni joq, sebebi, tili men má­denıeti jaǵynan Qazaqstan slavıan áleminen góri túrki álemine jaqyn. Bul oraıda, Keńes Odaǵy ydyraǵannan keıingi aralyqta Ázerbaı­jan, Túrikmenstan jáne О́z­bekstan sııaqty, Qazaq­stan da óziniń geo­saıası basym­dyqtaryna qa­raı jańa órke­nıet kópir­lerin salýda.

Til men mádenıet salasyna qatysty mundaı ózgeristerdiń ózindik baǵa­sy bolatyny bel­gili. Sa­rapshylardyń paıym­daýyn­sha, bul saladaǵy máselelerdi sheshýde turaq­ty­lyqqa talpynys bas­ty tetik bolýǵa tıis.