«Memleket basshysynyń bul maqalasy – ulttyq sanany jańǵyrtý jobasy jáne Qazaqstan qoǵamyn damytýdyń ıdeologııalyq negizi. Sondyqtan, ony jete túsinip, negizgi mindetterdi iske asyrýǵa úles qosý árbir el azamatynyń qasıetti paryzy bolýy tıis», dedi jıynda eń aldymen sóz alǵan oblys ákiminiń orynbasary Ásem Núsúpova.
Baıandamashy maqalada bilim salasyna aıryqsha kóńil bólingenin, búginde 91 shyǵysqazaqstandyq jas shet eldiń 11 bedeldi oqý oryndarynda «Bolashaq» baǵdarlamasymen bilim alyp jatqanyn, óńirdegi 8 joǵa-
ry oqý orny men 82 kolledjde 62 myń jastyń oqyp júrgenin atap ótti. О́ńirde mádenıet salasyna da erekshe mán berilip, byltyr aımaqtaǵy bes birdeı tarıhı orynǵa álemniń úzdik arheolog ǵalymdarynyń qatysýymen qazba jumystary júrgizilgenin, Katonqaraǵaı aýdanyndaǵy Berel jazyǵynda aspan asty murajaıy ashylǵanyn, bul baǵyttaǵy jumystardyń bıyl da jalǵasyn tabatynyn jetkizdi.
Ásem Núsúpova Elbasy maqalasynda atap ótilgen «Týǵan jer» baǵdarlamasyn júzege asyrýǵa shyǵys jurtshylyǵynyń belsene qatysatynyna senim bildirip, óńirdiń bul tarapta óz tájirıbesi, óz úlgisi bar ekendigine toqtaldy.
«Shyǵys Qazaqstanda birneshe jyldan beri «Týǵan jerge taǵzym» aksııasy júzege asyrylyp keledi. Aksııa aıasynda osy óńirden qanat qaqqan kásipker, mesenat azamattardyń kómegimen quny 25 mıllıard teńgeni quraıtyn 4 myńǵa jýyq joba iske asyryldy. Mektep, balabaqshalar, sport keshenderi salyndy», dedi oblys ákiminiń orynbasary.
«Nur Otan» partııasy oblystyq fılıaly tóraǵasynyń birinshi orynbasary Ánýarbek Muhtarhanov Elbasynyń maqalasy kózi qaraqty, kókiregi oıaý jurtty beıjaı qaldyrmaıtynyn, ultymyzdyń qundylyqtaryn kózimizdiń qarashyǵyndaı saqtaýǵa shaqyratynyn tilge tıek etti.
«Maqalada pragmatızm máselesine erekshe kóńil bólingen. Qanymyzǵa sińgen kóptegen daǵdylar men taptaýryn bolǵan qasań qaǵıdalardy ózgertpeıinshe, bizdiń tolyqqandy jańǵyrýymyz múmkin emes dep anyq aıtty. Prezıdent elimizdiń evolıýsııalyq damýy, ulttyq biryńǵaı tutastyq, bilim berý salalaryn qamtıtyn rýhanı jańarý jolyn usyndy», dedi ol.
Budan keıin sóz alǵan Qazaqstan halqy Assambleıasynyń múshesi Leo Shık: «Jurtshylyq jyly qabyldap jatyr. Alaıda, aldymyzda úlken mindet turǵanyn umytpaıyq. Elbasy maqalasynda júktelgen mindetterdi óńirdiń árbir turǵynyna jetkizýge tıispiz», dedi.
Oblystyq máslıhattyń depýtaty Rıza Moldasheva Memleket basshysy sóz etken «Týǵan jer» baǵdarlamasynyń máni tereń ekendigin, jastardy patrıottyq rýhta tárbıeleýge erekshe úles qosatynyn atap ótip, jýrnalıster qaýymyna da artylar jaýapkershilik júgi salmaqty ekendigin jetkizdi.
Jıyn sońynda sóz sóılegen Semeıdegi elektrtehnıkalyq kolledjiniń dırektory Azat Sarpekov shyǵysqazaqstandyq jastardyń Prezıdent maqalasyn zor yqylaspen qabyldaǵanyn, ásirese, «Jańa gýmanıtarlyq bilim. Qazaq tilindegi 100 jańa oqýlyq» jobasy zamandastarynyń erekshe qyzyǵýshylyǵyn týǵyzyp otyrǵanyn aıtty.
Azamat Qasym,
«Egemen Qazaqstan»
О́skemen
