Kınossenarıı M.Áýezov atyndaǵy qazaq memlekettik akademııalyq drama teatrynda sahnalanǵan "Jaýjúrek" pesasynyń jelisi boıynsha jazylǵan.
Qazirgi tańda túsirilim toby tolyqtaı jasaqtalǵan. Daıyndyq kezeńinde turǵan túsirilim fılmge qajetti kıimderdi tigip, rekvızıtter ázirlep, dekorasııalar túrǵyzyp jatyr. Fılmniń túsirilimderi Almaty oblysy jáne Soltústik Qazaqstan oblysynda ótedi.
Fılmniń rejısseri Nurgeldi Sadyǵulov. Onyń aıtýynsha bul jobany júzege asyrýdy kópten beri armandaǵan. "Men Balýan Sholaq tulǵasyna 1998 jyly T.Júrgenov atyndaǵy óner akademııasynda oqyp júrgenimde qatty qyzyqtym. Sol kezden bastap osy kisi jaıly fılm túsirgim keldi. Balýan Sholaqtyń boıynda aqyndyq, serilik, ánshilik jáne alyp qara kúsh te bar. Onyń eline, jerine, otanǵa degen mahabbaty árqaısymyzǵa úlgi bolarlyq. Meniń oıymsha búginginiń jastary Balýan Sholaqtaı erdi bilýi tıis", - dedi fılmniń rejısseri Nurgeldi Sadyǵulov.
Fılmniń ssenarıi birneshe jyl boıy jazylǵan jáne qaıta óńdelgen. Túsirilim toby fılmniń sapaly shyǵýy maqsatynda keńesshilerdi tartqan. Olardyń qatarynda: kórkemdik jetekshisi S.Narymbetov, kórkemdik keńesshileri E.Tóleýtaı, B.Ystybaev, B.Bedelhandar bar.
Fılmge tanymal akterlermen qatar ekranǵa alǵash shyǵyp jatqan akterler de túsetin bolady. Fılmniń rejısseri ázirge fılmge túsetin akterlerdiń esimderin ataýdan bas tartyp, qysqa qaıyrdy: "Akterler irikteldi. Alaıda bas keıipkerdi ázir aıta almaımyn. Sebebi eki akterdiń arasynda tańdaý ústindemin".
