Selınograd aýdanynyń ákimi M.Tatkeevtiń sendirýinshe, qazirgi tańda aýdandaǵy jaǵdaı turaqty sanalady. Reti kelgende aýdan basshysy sý basýy múmkin degen Qoıandy, Qaraótkel, Talapker jáne Nuresil aýyldyq okrýgteriniń jaǵdaıymen jan jaqty tanystyryp ketti. Qazirgi kezde bul eldi mekenderde qarǵyndy sýdy sorǵynyń kúshimen tazartý jumystary qyzý júrgizilýde. Budan basqa Aqmol aýylynan Taıtóbe aýylyna deıingi aralyqta sýdyń erkin jyljýy úshin jarylys jumystaryn júrgizý qolǵa alynǵan. Aýyldyq okrýgterde kúndiz-túni kezekshilik uıymdastyrylǵan. Oblys basshysy bul rette Selınograd aýdanynyń ákimi M.Tatkeevke «Kazvodhoz» RMK birlese «Alva» kóldete sýarý sý torabynyń dambasyn qalpyna keltirý jónindegi usynystar berýdi jáne de Aqmol aýylynyń sýyn tehnıkalyq maqsatta paıdalaný úshin «Jalańash» kólin toltyrý qajettigin tapsyrdy.
Sondaı-aq óńir basshysy Kenbıdaı sý torabyn qaraý barysynda Qorǵaljyn aýdanynyń ákimi Q.Ryskeldınovqa eldi mekender aınalasyndaǵy dambalardy qosymsha kúsheıtý jumystaryn júrgizýdi erekshe eskertti. О́ńir basshysy bul oraıda qarǵyn sý basý qaýipiniń aldyn alýǵa arnalǵan tehnıkalardyń daıyndyǵyn qamtamasyz etý, barlyq sýdy baqylaý beketterindegi kezekshilikti kúsheıtý, tótenshe jaǵdaılar jónindegi oblystyq shtabty kúndiz-túni aqparattandyryp otyrý qajettigin alǵa tartty. Oblys basshysy bolyp qaıtqan Atbasar qalasynda sý deńgeıi 5 metrden asyp, qalaǵa aıtarlyqtaı qaýip tóndirýde. Osyndaǵy sý basqan 20 úıdiń turǵyndary ózge oryndarǵa kóshirildi.
Jalpy tótenshe jaǵdaıdyń aldyn alý jóninde naqty tapsyrmalar berildi. Budan basqa, M.Myrzalın sý qaýpi áli de saqtalyp kele jatqan Arshaly aýdanynda bolyp, osyndaǵy jaǵdaımen jaqyn tanysty. Aýdan ákiminiń málimetine qaraǵanda, Jibek Joly aýylynda ornalasqan «Bezymıannaıa» dambasyndaǵy jaǵdaı turaqty. Sondyqtan da aýyldy sý qaýipi joq. Deı turǵanmen, 17 dana arnaıy tehnıka jumyldyrylyp otyr. Jalpy barlyq aýyldyq okrýgterde kúndiz-túni kezekshilik uıymdastyrylǵan.
Qarǵyndy sýdyń aldyn alýǵa jergilikti azamattyq qorǵanys, TJD qurylymdary men jergilikti organdardyń 250 adamy tartylyp otyr. Jibek joly aýylyn sý basýy múmkindigi daýys zoraıtqyshtar arqyly turǵyndarǵa keńinen túsindirilip, evakýasııa bolýy múmkindigi de eskertilip keledi. Tótenshe jaǵdaı oryn ala qalǵandaı bolsa Novoaleksandrovka orta mektebi men Qutpanuly atyndaǵy orta mektep bazasynda 2900 oryndyq qabyldaý pýnkti de daıyn tur. Tipti apatty aımaqtan turǵyndardy alyp ketý úshin 5 avtobýs ta daıyndalyp otyr. О́ńir basshysy barlyq ákimder men jaýapty qyzmetkerlerge tótenshe jaǵdaılarda turǵyndardy kóshirý jáne qoǵamdyq tártipti qamtamasyz etý qajettigin basa eskertti.
Asqar TURAPBAIULY,
«Egemen Qazaqstan».
Aqmola oblysy.
