Erigen qar sýynyń tolassyz quıylýy saldarynan Jembaraq ózeni erneýinen asa jaıylyp, jol qatynasy úzilgen.
– Jaǵdaı jiti baqylaýda tur. Qaýip seıilgenshe, kómek úzilmeıdi. Osyndaı qaterdiń bolatyny kúniburyn eskerilip, azyq-túlik pen dári-dármektiń jetkilikti qory qamtamasyz etildi, – deıdi qutqarý qyzmetiniń ókilderi.
Razgýlnoe aýylynda 500-ge jýyq turǵyn bar. Turǵyndardyń jańa kópir salý jónindegi usynysy ekonomıkalyq jaǵynan tıimsiz degen sebeppen aıaqsyz qalyp keledi.
«Osy jolǵy apat zardaptary men keltirilgen shyǵyn jergilikti basshylardy oılandyrýy tıis. Jyl saıyn temirden qurastyrylǵan kópirdi sý shaıyp ketip, áýre-sarsańǵa salady», deıdi jergilikti turǵyndar.
Roshınsk-Korneevka baǵytyndaǵy avtokólik jolyn da sý alyp, mańaıǵa qosymsha kúshter jiberilip, tehnıka men qaıyqtar sany kóbeıtilgen.
О́mir ESQALI
«Egemen Qazaqstan»
Soltústik Qazaqstan oblysy
