Sanamyz isimizden ozyp júrsin

Prezıdent maqalanyń kirispe sózinde bylaı deıdi: «Atalǵan eki jańǵyrý prosesiniń de naqty maqsat-min­detteri, basymdyqtary men oǵan jetkizetin joldary bar. Men kó­z­de­gen jumystarymyzdyń bári der ýa­qytynda jáne barynsha tıimdi jú­zege asaryna senimdimin. Biraq, oı­la­ǵanymyz oryndalý úshin munyń ózi jetkiliksiz. Maqsatqa jetý úshin biz­diń sanamyz isimizden ozyp júrýi, ıaǵ­nı odan buryn jańǵyryp otyrýy tıis. Bul saıası jáne ekonomıkalyq jań­ǵyrýlardy tolyqtyryp qana qoımaı, olardyń ózegine aınalady». Bul sózder – saıası reforma men eko­no­­mıkalyq jańǵyrý elimiz úshin qan­­shalyqty mańyzdy ekendigin kór­setetin jol.

Bolashaqqa baǵdar retinde Qazaq qyzdar mem­le­ket­tik peda­go­gıkalyq ýnıversıtetiniń stýdent jas­ta­r­y Elbasynyń osy sózderin ózderiniń alǵa qoı­ǵan maq­sattaryna kiriktire oty­ryp, Qazaqstan Res­pýb­lı­ka­synyń ıntellektýaldyq dárejesiniń jo­ǵar­ylaýyna úle­sin qosady degen se­­nimdemin. Jastardyń, ásirese stý­dent jastardyń ıntellektýaldy kór­setkishteri olardyń tek bilim deń­geıimen ǵana ólshenbeıdi, sonymen qa­tar, olar­dyń rýhanı jańǵyrýymen de tikeleı baılanysty. Rý­hanı jań­ǵyrý árbir jeke tulǵa úshin onyń tárbıesi, ult­tyq sana-sezimi,  ult­tyq rýhanı tamyrynan nár alǵan qu­n­­d­ylyqtary men onyń jahandyq óz­geristerdi durys boıyna sińirýi.

Men ýnıversıtetimizdiń stýdent jastarynyń básekege qabiletti ma­man bolatyndyǵyna kámil senim­di­min. Básekege qabiletti dep qa­zir­­gi qazaq  qoǵamynda mádenı qun­dy­­lyq­tardy boıyna sińirgen, úsh til­di jetik bilýge umtylǵan jáne ja­­ńa ádis­ter men tehnologııaǵa to­le­ra­nt­tylyqty saqtaı alatyn tul­ǵa­lar­dy aıta alamyz. Osyndaı jek­e qa­sı­et­ter men qundylyqtar boı­ynan  stý­dent jas­tar elimizdiń básekege qa­bi­let­ti­lik deńgeıin kóterýi tıis.

Qazaqstan Respýblıkasynyń bo­la­­shaq baǵdary oń bolýy úshin El­­basymyz «pragmatızm»  sózine kó­ńil bólýdi usynady. Maqalada Elbasy: «Pragmatızm – ózińniń ult­tyq jáne jeke baılyǵyńdy naq­ty bilý, ony únemdi paıdalanyp, so­ǵan sáıkes bolashaǵyńdy jospar­laı alý, ysyrapshyldyq pen as­tam­­shylyqqa, dańǵoılyq pen ker­deń­­dikke jol bermeý degen sóz» dep túsindiredi. Elbasynyń osy sóz­­de­r­in tolyq qoldaı otyryp, men rý­­hanı mádenıetiniń damýy úshin, eli­miz­diń ekonomıkasynyń ósýi úshin qa­zir­gi ke­zde adam qundylyqtarynyń ke­mel­denýi men óziniń kásibı qyzmetin jo­ǵary deńgeıde júzege asyrýy, sony­men birge,  jeke tulǵanyń ulttyq baı­lyqty eskere otyryp, ózdiginen ke­meldenip damýy  áser etýshi eń ma­ńyz­dy faktor dep bilemin.

Qazaqstan jastaryna tilegim, El­basy N.Á.Nazarbaevtyń Otanymyzdyń álem­degi eń damyǵan 30 eldiń qa­ta­ryna qosylýyna baǵyt beretin sóz­d­e­rine qulaq asyp, osy maqsatqa jumyla qyzmet eteıik.

Dınar NО́KETAEVA,

Qazaq memlekettik qyzdar pedagogıkalyq ýnıversıtetiniń rektory, 

Qazaqstan Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń múshesi