- Biz álemdik qoryqshylardyń tájirıbesin qoldanamyz, mysaly, AQSh-taǵy Ielloýstoýn parki, - dedi «Buırataý» ulttyq parkiniń terızm jáne ekologııalyq aǵartý bólimi basshysynyń mindetin atqarýshy Jibek Ybraeva. – Qazirgi kezde oryndyqtar men qoqys jáshikteri ornatylyp, parktiń marshrýty jasalýdy. Safarıdiń ashylýy EKSPO kórmesine oraılastyrylmaq.
Kelýshiler, buǵy, arqar, aqbóken, bızon, ıak, maral, sur tyrna, sarshunaq, sýyr, qur men basqa da Qyzyl kitapqa engizilgen ań-qustardy tamashalaı alady. Janýarlardy kórýge jáne fotosýretke túsirýge ǵana ruqsat etiledi. Ulttyq parkte ań aýlaýǵa tyıym salynady.
Búginde «Buırataý» qoryǵyna Abaı kóshesi, 13 mekenjaıy boıynsha Molodejnyı aýylyndaǵy keńsede baj tólep jáne bılet satyp alyp barýǵa bolady. Nemese birden Ulttyq parkke kelýge bolady. Park aýmaǵyna kireberiste ornalasqan ótkizý beketterinde týrısterge nusqaýlyq beriledi. Qoryq aımaǵynda bir táýlik bolǵan úshin bir adam bir myń teńge tóleıdi. Bul baǵaǵa parkti aralaýǵa, týrıstik soqpaqtarmen júrýge, janýarlardy kórip, palatalyq qalashyq ornatyp, Bozaıǵyr men Ájibaı ózenderinde qarmaqpen balyq aýlaýǵa, sondaı-aq, arheologııalyq qazba oryndaryn tamashalaýǵa bolady. Ǵalymdar park aýmaǵynda VI-VII ǵǵ. saq mádenıetiniń eskertkishterin tapty.
