– Bul maqalada, elimizdiń rýhanı jańǵyrý jolyndaǵy bolashaq baǵyty aıqyndalyp otyr. Biz – birlik pen berekeni, turaqtylyq pen kelisimdi nyǵaıta otyra, «Máńgilik el» ıdeıasyn shynaıy júzege asyrýǵa bet aldyq. Osy jolda, Elbasy tutas qoǵamnyń, elimizdiń árbir azamatynyń sanasyn jańǵyrtý ýaqyty kelgenin jetkizdi. Al kez kelgen ortada básekege qabiletti bolý – tabysty adamnyń formýlasy. Ol búgingi zamannyń talaby, – dep atap ótti jıyn barysynda oblys ákimi Bolat Baqaýov.
Maqalany talqylaý jıynynda sóz sóılegen professor Aıman Zeınýllına: «Jańǵyrý sıpatynda ulttyq qundylyqtarymyzdyń qoǵamǵa jat, eskirgenin yǵystyryp, ult bolmysyna qajettisin nasıhattaǵanymyz durys bolady. Ekinshi nazar aýdaratyn nárse – ultymyzdyń bilimdiligi men biliktilik mazmuny. Asa bilimdar ult qana tól qundylyǵyn saqtap, álemdik keńistikte ulttyq parasatyn kórsete alady. Sonyń biregeıi – ulttyq til qudireti. Til – ulttyq tiregimiz, rýhanı kúsh qýatymyz, ult aıbyny, ultjandylyq sezimin shyńdaıtyn qural ekeni barshamyzǵa belgili», dedi.
Al fılologııa ǵylymdarynyń kandıdaty, Innovasııalyq Evrazııa ýnıversıtetiniń prorektory Vladımır Shnaıder: «Osydan 25 jyl buryn latyn álipbıine kóshýdi Ábdýálı Qaıdarı aıtyp edi. Sondyqtan, Elbasy maqalasynda bul taqyryptyń qaıta kóterilýin, latyn álipbıine kóshýdi qýanyshpen qabyldadym. Bar maqsat, búgingi tildi osy kúıinde saqtap qalý, qazaq jazýyn bóten tildiń jazý mánerinen aıryqsha, qazaqı dástúrli etý. Eger biz kırıll álipbıinde qala beretin bolsaq, qazaq tiliniń ózin ózi saqtaý ımmýnıteti joıyla beredi. Shet elde turatyn 5 mıllıondaı otandastarymyzdyń 80 paıyzy latynsha oqyp kete alatyndyǵyn eskersek, latyn álipbıi bolashaqta dúnıe júzi qazaqtaryn jaqyndastyrýǵa septigin tıgizetindigi sózsiz. Latyn alfavıti óte tanymal. Kóptegen ult ókilderi shet el tilderin erkin oqıdy. Eger biz de latyn álipbıine kóshsek, qazaq tilin emin erkin oqýǵa múmkindikter týar edi», dedi.
Jıynda sonymen qatar, «Ulttyq biregeılikti saqtaý», «Bilimniń saltanat qurýy», «Sananyń ashyqtyǵy» taraýlarynda aldaǵy úlken mindetterge, atap aıtqanda, qazaq tilin latyn álipbıine kóshirý, «Týǵan jer», «Qazaqstandaǵy 100 jańa esim», taǵy basqa negizgi taqyryp talqylaý arqaýyna aınaldy. Jıynǵa qatysýshylar, Elbasynyń rýhanı jańǵyrý jónindegi baǵaly usynystaryn qazaqstandyqtardyń, ásirese, jas óskin sanasyna jetkizý joldaryn ortaǵa saldy.
Farıda BYQAI,
«Egemen Qazaqstan»
Pavlodar oblysy
