Onda bylaı delinedi: «Qazaqstan ústimizdegi jyldyń 15 sáýirinde Sırııanyń Aleppo qalasyna jaqyn mańda jasalǵan terrorlyq aktini sheshimdi túrde aıyptaıdy. Atalǵan qylmystyq áreket saldarynan júzden astam adam qaza tapty. Olar úkimet pen qarýly oppozısııa arasyndaǵy tıisti ýaǵdalastyqqa sáıkes, Ál-Fýa jáne Kefraı aýdandarynan áketilip bara jatqan beıbit adamdar bolatyn».
Málimdemede kinásiz adamdardyń, birinshi kezekte, balalardyń óltirilýi erekshe ashý-yza týǵyzatyny, bul lańkesterge adam balasyna jat qatygezdik tán ekenin aıǵaqtaıtyny atap kórsetiledi.
«Sırııa halqyna, qaza tapqandardyń otbasylary men jaqyndaryna shyn nıetten kóńil aıtamyz jáne terrakt kezinde zardap shekkenderdiń tez saýyǵyp ketýlerin tileımiz», delingen málimdemede.
Sońynda Qazaqstannyń terrorızmniń kez kelgen túrine qarsy kúreste óziniń qoldaý kórsetýge daıyn ekenin kezekti márte qýattaı kelip, halyqaralyq kúsh-jigerdi jahandyq kontrterrorıstik koalısııa (jeli) qurý arqyly da osy qaterge qarsy baǵyttaýǵa shaqyratyny kóldeneń tartylady.
