Qazaqstan • 18 Sáýir, 2017

Gaz tasymaly salasy eń ozyq tehnologııaǵa kóshti

264 ret

kórsetildi

3 mın

oqý úshin

Qazaqstan men Qytaı arasyndaǵy dıplomatııalyq qarym-qatynastyń 25 jyldyǵyna oraı «QazTransGaz» AQ pen «Trans-Asia Gas Pipeline Company Limited» kompanııasy «Beıneý – Bozoı – Shymkent» magıstraldy gaz qubyrynyń «Bozoı» kompressorlyq stansasynda gaz aıdaý agregatyn iske qosty. Eń ozyq tehnologııamen jabdyqtalǵan keshenniń túrli qysymdaǵy eki gaz qubyrynan otyn qabyldaı alatyn biregeı múmkindigi bar. Gaz «Buqara –Oral» jáne «Orta Azııa – Ortalyq» magıstraldy gaz qubyrynan alynady. Kompressorlyq stansa arnaıy tapsyrys boıynsha jasalǵan jáne álemdik tájirıbede buryn qoldanylmaǵan ınnovasııalyq «back-to-back» gaz aıdaý agregattarymen jabdyqtalǵan.

Egemen Qazaqstan

Gaz tasymaly salasy eń ozyq tehnologııaǵa kóshti

Gaz aıdaý agregattaryn iske qosý sharasyn Biryńǵaı dıspetcherlik ortalyqta «QazMunaıGaz» UK» AQ basqarma tóraǵasy Saýat Myńbaev, «QazMunaıGaz» UK» AQ vıse-prezıdenti Qaırat Sháripbaev jáne «CNPC» korporasııasynyń bas dırektory Chjan Szıanhýa júzege asyrdy. Saltanatty basqosýda sóz alǵan Saýat Muhametbaıuly qytaılyq áriptesterge birlesken jumys úshin alǵys bildirip, bul joba gaz salasynyń mańyzdy mindetterin sheshýge zor yqpalyn tıgizgenin atap ótti. «Biz elimizdiń gaz salasy úshin úlken oqıǵanyń kýási bolyp otyrmyz. «Beıneý – Bozoı – Shymkent» magıstraldy gaz qubyryn, «Bozoı» kompressorlyq stansasyn salý Qazaqstan men QHR úshin asa mańyzdy», dedi basqarma tóraǵasy.

«Bozoı» KS salý týraly strategııalyq bastama Memleket basshysynyń ózi kótergen ıdeıa ekenin kópshilik bile bermeıdi. Osy sheshimniń qanshalyqty ózekti jáne ýaqtyly qolǵa alynǵan joba ekendigin sheshimin tapqan myna máselelerden-aq ańǵarýǵa bolady», dedi «QazMunaıGaz» UK» AQ vıse-prezıdenti Qaırat Sháripbaev. birinshiden, salynyp jatqan «Qaraózek» kompressorlyq stan-

sasy iske qosylǵan soń, gaz tasymaldaýdy jylyna 10 mlrd tekshe metrge deıin ulǵaıtýǵa múmkindik týdy. Ekinshiden, elimizdiń eksporttyq múmkindikterin ártaraptandyrý jáne arttyrý. Úshinshiden, magıstraldy gaz qubyrlaryn biryńǵaı gaz tasymaldaý júıesine biriktirý. Tórtinshiden, elimizdiń batys óńirlerinen ońtústik oblystaryna úzdiksiz gaz berýdi qamtamasyz etý. Besinshiden, bolashaqta Qazaqstannyń ortalyq jáne soltústik aımaqtaryn gazdandyrý úshin gaz qubyrlarynyń qýattylyǵyn arttyrý», dep atap ótti Qaırat Qamataıuly.

«CNPC» korporasııasynyń bas dırektory Chjan Szıanhýa «Bozoı» kompressorlyq stansasynyń iske qosylýy «QazMunaıGaz», «QazTransGaz» jáne «CNPC» kompanııalarynyń birlesken jumysyndaǵy úlken kezeń ekenin aıtty. «Bul joba qazaqstandyqtarǵa kógildir otyndy áldeqaıda kóbirek paıdalanyp, Qytaıǵa gaz eksporttaýǵa múmkindik beredi. Qytaı memleketiniń «Bir beldeý-bir jol» atty bastamasy Qazaqstan Prezıdentiniń ınfraqurylymdy damytýǵa arnalǵan «Nurly jol» baǵdarlamasymen úndestik taýyp otyr», dedi Ch.Szıanhýa.

Ashat RAIQUL,

«Egemen Qazaqstan»