Jaıly baspanaǵa degen muqtajdyqty qanaǵattandyrýdyń, ońtaıly sheshýdiń joldary kóp. Solardyń biri – halyqtyń áleýmettik álsiz toptary úshin satyp alý quqyǵynsyz jalgerlik turǵyn úıler salý. Búgingi tańda bul sanattaǵylar úshin eki turǵyn úıdiń qurylysy júrgizilip, nátıjesinde 212 otbasy baspanaǵa ıe bolady. Sol sııaqty Elbasy tapsyrmasyna oraı jekemenshik úıler turǵyzý maqsatymen tıisti jer telimderi bólinip, qajetti ınfraqurylym turǵysynan da qoldaý jasalýda. Máselen, Petropavl qalasy mańyndaǵy Solnechnyı kenti aýmaǵynan 740 gektar jer telimi bosatylyp, sýmen, jaryqpen qamtamasyz etiledi. Kenttiń ınfraqurylymdyq júıesine Ulttyq qordan 1,3 mıllıard teńge baǵyttalǵan.
Oblystyq qurylys basqarmasy basshysynyń orynbasary Vladıslav Lýkınniń aıtýynsha, 2015-2019 jyldardy qamtıtyn «Nurly jol» baǵdarlamasy sheńberinde «Báıterek» Ulttyq basqarý holdıngi» bólgen 3,4 mıllıard teńgege oblys ortalyǵynda 10 kóp qabatty turǵyn úıdiń qurylysy bastalyp, úsheýi paıdalanýǵa berildi. Qalǵandary jyl aıaǵyna deıin iske qosylady. Iаǵnı, 600 páter óz qonystanýshylaryna esikterin aıqara ashady degen sóz. Kópqabatty úılerdiń kóptep boı kóterýi arqasynda «Bereke» sekildi sáýletti yqshamaýdandar paıda boldy.
Jyl aıaǵyna deıin barlyǵy 16 turǵyn úı qoldanysqa berilse, kezek sany 1446 adamǵa kemıtin bolady.
О́mir ESQALI,
«Egemen Qazaqstan»
Soltústik Qazaqstan oblysy
