Onyń aıtýynsha, «EKSPO - 2017» kórmesin tamashalaýǵa oblystyq bilim basqarmasy tarapynan múmkindigi shekteýli balalar, oqý ozattary men olımpıada jeńimpazdarynyń qatysýy uıysdastyrylyp jatyr. Budan bólek jekelegen demeýshiler de mektepterge óz taraptarynan bıletter usynyp, elordaǵa saıahattap qaıtý sharalaryn qolǵa alyp jatyr.
Sonymen qatar, oblystyq jumyspen qamtýdy úılestirý jáne áleýmettik baǵdarlamalar basqarmasymen 139 zeınetker men múmkindigi shekteýli azamattardy kórmege alyp barý máselesi pysyqtalýda.
Al, oblystyq jolaýshylar kóligi jáne avtomobıl joldary basqarmasy basshysynyń orynbasary Maqsat Myrzabaev kórmege baratyndar úshin 15 sáýirden bastap poıyz ben ushaqqa bıletterdiń satylymǵa shyqqanyn málim etti. Sonymen qatar ol 15 paıyzy ushaqpen birqatary poıyzben jetetinin aıtyp, olardyń bıletteri aldyn-ala brondalyp qoıǵanyn jáne astana baǵytyna qaraı júretin poıyzdarǵa qosymsha vagondar tirkeletinin jetkizdi.
«Kórme kezinde ary-beri júris úshin 16 750 oryndy daıyndap otyrmyz. Sondaı-aq, Astana qalasyna kórmege qatysatyndardy tasymaldaý úshin qosymsha 45 oryndyq 10 avtobýs jáne lısenzııalary bar turaqty emes 9 tasymaldaýshy kompanııa daıyn»,- dedi Maqsat Myrzabaev.
Jalpy búginde Ońtústikte halyqaralyq mamandandyrylǵan kórmeni halyq arasynda keńinen nasıhattaý baǵytyndaǵy jumystar men daıyndyq sharalary qyzý júrýde.
Budan bólek, kórmege keletin qonaqtardy oblysqa tartý maqsatynda arnaıy týrıstik marshrýttar ázirlenip, «EKSPO - 2017» kórmesi qonaqtaryna arnalǵan resmı marshrýttar tizilimine engizilgen.
