Ony júzege asyrý úshin bir mıllıard teńgeden astam qarjy kerek. Joba aıasynda saıabaqtyń batys bóligi abattandyrylady. 2017 jyly qalalyq bıýdjetten birinshi kezeńge 486 mln teńge bólindi.
Jumystardy maýsym aıynda bastaý josparlanǵan. Baıqaýdyń qorytyndysy boıynsha merdiger anyqtalady. Birinshi kezeńde Gazalıev kóshesinen Erjanov kóshesine shyǵatyn shaǵyn kólge deıingi gúlbaqty abattandyrý qarastyrylǵan. Júgirýmen jáne velosıped sportyna áýes jandarǵa jańa joldar jasalmaq. Jobaǵa osy aımaqty jaryqtandyrý men kógaldandyrý kiredi. Kásipkerlerge attraksıondar men jyldam tamaqtaný dúńgirshekteri úshin oryndar usynylady.
«Menińshe, qalalyqtar saıabaqtyń batys bóligin damytý jónindegi bastamany baǵalaıdy. Bul bizge úlken rekreasııalyq aımaq qurýǵa múmkindik beredi. Bizdiń parkti jaqsartý úshin ınvestorlar tartamyz», - dedi Qaraǵandy ákimi Nurlan Áýbákirov.
