Bul jaıly Shyǵys Qazaqstan Aımaqtyq kommýnıkasııalar qyzmetinde ótken baspasóz máslıhaty barysynda oblystyq Energetıka jáne turǵyn úı-kommýnaldylyq sharýashylyǵy basqarmasy basshysynyń mindetin atqarýshy Almat Arslambaev málimdedi.
– Qazirge deıin Taıynty asýynda qajetti zertteý jumystary júrgizilip, joba óz sońyna jetti. Endi kelesi jartyjyldyqtan bastap jańa stansııanyń qurylysy bastalady. Qýaty 24 MVt bolatyn stansııa Ulan aýdanyn tolyqtaı elektr qýatymen qamtamasyz etip, qalǵan qýat respýblıkalyq jalpy jelige jiberiletin bolady, – dedi Almat Arslambaev.
