Menińshe, munda eki baǵyt bar. Birinshisi, jalpylyq baǵyt. Iаǵnı, rýhanı qundylyqtarǵa mán berý. Bul jerde qoǵammen aqyldasý, pikirlesý bar. Zaman talabyna saı rýhanı jańǵyrý. Bul jumysty qoǵamdyq uıymdar, Ǵylym akademııasy, Jazýshylar odaǵy atqarady. Ekinshisi, naqty, pragmatıkalyq baǵyt. 100 kitapty aýdarý, «Týǵan jer» sııaqty memlekettik baǵdarlamalardy jasaý. Bul ispen Úkimet aınalysady. Osy istiń bárin qoǵam óz nazarynda ustaýy tıis. О́ıtkeni, Elbasynyń barlyq tapsyrmasy ózi oılaǵan deńgeıde jáne qoǵamnyń da talabyna saı oryndalyp otyrýy qajet. Eshqandaı kózboıaýshylyq áreketter bolmaýy kerek. Zııaly qaýymnyń aldynda turǵan taǵy bir másele, osynyń bárin orystildi ortaǵa túsindirý jumystary. «Rýhanı jańǵyrý bul qazaq halqynyń jańǵyrýy ma, álde Qazaqstannyń jańǵyrýy ma?» degen suraqtar qoıylyp jatyr.
Árıne, bul eń aldymen, qazaqtyń rýhanı jańǵyrýy. Maǵan erekshe áser etken bir sóılemdi aıtaıyn. Elbasy: «Eger jańǵyrý eldiń rýhanı ulttyq tamyrynan nár almasa, ol adasýǵa bastaıdy», dedi. Bul eń birinshi basshylyqqa alatyn dúnıe. Ǵalymdar, aqyn-jazýshylar naqty usynys jasap, Úkimetke tapsyrý kerek.
Dos KО́ShIM,
saıasattanýshy
