Baýyr isigin emdeýdegi jańa tásilder

Elimizdegi onkologtar al­dynda turǵan basty maq­sat – qaterli isik dertine shal­­dyǵýshylar sanyn azaıta túsý. Osy maqsatqa jetý jo­lynda dárigerlerimizdiń bir­shama jetistikke qol jet­kizgenin aıtpaı ketýge bol­mas. Degenmen, atalǵan sa­ladaǵy sheshimin tappaı ke­le jatqan máselelerdi she­shý jolynda ózge elder ma­mandarymen tájirıbe al­masa otyryp, qaterli isik dertterin, ásirese baýyrdyń ge­patosellıýlıarly karsınomasyn emdeý ádisterin jaq­sartýda ortaq sheshimder qa­byldaýdyń mańyzdy ekeni anyq. Qaterli isik osha­ǵyn radıojıilik ablıasııa­sy arqyly emdeý, ıaǵnı ba­ý­yr­daǵy jáne ózge de ish­ki mú­she­l­erdegi qaterli isik oshaq­ta­ryn jansyzdan­dyrý ar­qy­ly emdeý tásili birqatar shet memlekette keńinen qol­danyla bastaǵanymen, Qazaqstan úshin tyń emdeý tá­sili bolyp tabylady. 

Almaty onkologııalyq or­talyǵy shaqyrtqan re­seı­lik, ýkraınalyq, be­lo­rýssııalyq joǵary dárejeli ma­mandar eki kúndik she­ber­lik synyby barysynda eli­miz­diń dárigerlerine baýyr isi­gin otasyz emdeýdiń az ın­vazıvti tásilin úıretti. Kóp­tegen naýqastardyń der­ti sońǵy satysyna ótip ket­kende ǵana anyqtalyp ja­tatyndyǵy barmaq tis­tet­ken­men, radıojıilik ablıasııasy arqyly emdeý tásilin sondaı aýyr naýqastar úshin de qoldanýǵa bolady, deıdi shet­eldik mamandar.

«Almaty onkologııalyq ortalyǵy» MQK ShJQ bas dárigeri Damır Dáý­letbaevtyń aıtýynsha, atal­ǵan sheberlik synyp­ta­rynyń ereksheligi – al­ǵash ret baýyr ragyn ke­shen­­di emdeý tásilderi de qa­rastyrylǵan eken, al bu­ryn tek jekeleı em túr­le­­ri ǵana qarastyrylǵan. «Qazaqstanda jyl saıyn baý­yr ragymen myńnan as­tam adam tirkeýge alynyp ja­tady. Baýyr ragynyń sh­a­mamen, 60-90 paıyz jaǵ­daıy baýyr sırrozy men vırýstyq gepatıttiń asqynýy saldarynan tý­yn­daı­­dy, sırrozben aýyratyn naý­qastardyń 5 paıyzynda órbıdi. Baýyr ragyna shal­dyq­qan naýqastardyń shama­men úshten bir bóligine ota ja­saýǵa bolady», dedi bas dá­riger.

Al Uly Otan so­ǵy­sy múgedekterine ar­nal­­ǵan respýblıkalyq klı­nı­kalyq gospıtaldyń dı­rektory Jetkergen Arzyqulov osy basqosýda ja­saǵan baıandamasynda «Qazaqstanda biliktiligi shet­eldik dárigerlerden esh kem túspeıtin hırýrgter bar­­shylyq. Tek onkologter ǵa­na emes, gastroentero­log­­ter, ınfeksıonıs­ter, ÝZI mamandary da birigip, baý­yry aýyryp kelgen naý­qas­tan apta saıyn analız alyp, birge baqylap otyrsa, aýrýdyń isikke aınalyp ketpeý múmkindigine ıe bolar edi. Saldarmen kú­reskennen góri, sebeppen kúres áldeqaıda tıimdi bo­latyny ras. Jaqsy ná­tıjege qol jetkizý úshin naý­qastardy tekserýden ót­ki­zý júıesin ózgertý kerek shy­ǵar», degen pikir bildirdi.

Sheberlik synybyna eli­mizdiń ár oblysynan ar­naıy kelgen gepatolog, hırýrg, sáýlelik dıagnos­tıka bóliminiń mamandary qatysty.

Mıra BAIBEK,
«Egemen Qazaqstan»
ALMATY