Jer asty sýlarynyń deńgeıi birneshe kúnnen birqalypta saqtalyp otyrǵandyqtan jergilikti bılik turǵyndardyń qaýipsizdigi úshin osyndaı sheshim qabyldaǵan. Bul týraly oblystyq tótenshe jaǵdaı departamentiniń baspasóz qyzmeti habarlady.
14 sáýir kúni Besqaraǵaı aýylynyń shetindegi 9 úı men 10 aýlanyń aýmaǵyn jer asty sýlary basyp, 22 adam qaýipsiz jerge kóshirilgen bolatyn. Tótenshe jaǵdaı departamenti qyzmetkerleri 4 kúnniń ishinde jaǵdaıdyń esh ózgerissiz kalǵanyn aıtady. Sý basqan aýmaqqa 1500 tonna ınertti materıaldar jetkizilip, bekitý, bógeý jumystary júrgizilgen. Aýdandyq ákimdikte jedel shtab qurylyp, jaǵdaı tolyq baqylaýǵa alynǵan. Oblystaǵy tasqyn qaýpi bar aýmaqtar men ózender de qatań qadaǵalaýda deıdi departament mamandary.
Azamat Qasym,
" Egemen Qazaqstan "
Shyǵys Qazaqstan oblysy
Sýretter oblystyq tótenshe jaǵdaı departamentiniń baspasóz qyzmetinen alyndy
