2017 jyldyń 18 aqpanynan Mańǵystaý jáne Atyraý oblystarynyń alystaǵy stansalaryna «Densaýlyq» keńestik-dıagnostıkalyq poıyzy jol tartty.
«Densaýlyq» Mańǵystaý oblysynyń 15 shaqty stansasyna Atyraý oblysynyń 12 stansasyna qyzmet kórsetýdi josparlap otyr, «Densaýlyq poıyzy» alǵashqy jumysyn 20 sáýirden Mańǵystaý oblysynyń Turysh stansasynan bastamaq.
Medısınalyq poıyzdyń vagondarynda dárigerlerdiń kabınetteri, dıagnostıkalyq korpýs, tirkeý bólimi, tamaqtaný jáne demalý bloktary bar tolyqqandy «dóńgelekti emhana» ornalasqan. Stomatolog, dermatolog, ýrolog, mammolog, gınekolog, nevropatolog, kardıolog, terapevt, otolarıngolog, pedıatr, okýlıst sııaqty mamandarǵa kezekke turǵandar kóp. Poıyzda ÝDZ-dıagnostıkalaý, tańý, prosedýralyq kabınetter jáne shaǵyn hırýrgııalyq operasııalar jasaıtyn operasııalyq blok qarastyrylǵan. Barlyq kabınetter tolyqtaı kompıýterlengen. Sandyq flıýorografııalyq apparat rentgen túsirilimdi pasıenttiń jyldam alýyn qamtamasyz etedi, tapsyrylǵan taldamanyń nátıjesi de kóp kúttirmeıdi.
Medısınalyq poıyzdyń ár pasıenti qajetti alǵashqy medısınalyq kómek, bilikti keńes jáne ary qaraı emdelý úshin taıaý ornalasqan medısınalyq ortalyqtarǵa joldama alady.
Shalǵaıdaǵy eldi meken turǵyndarynyń densaýlyǵyna degen qamqorlaq úshin olar ózderiniń sheksiz alǵystaryn bildirýde.
Medısınalyq poıyzdar Sam, Beıneý, Aqjigit, Ústirt, Saı-О́tes stansalary men №10 beketke aıaldaıdy.
