«Dostyq úıiniń» dálizi bos bolmaıdy

Aqtaýda «Dostyq úıi» Memleket basshysy N.Nazarbaevtyń tapsyrmasyna sáıkes, táýelsizdiktiń 25 jyldyǵyna ázirlik aıasynda, 2015 jyly jeltoqsanda ashyldy. Mańǵystaý oblystyq Qazaqstan halqy Assambleıasy janynan ashylǵan «Dostyq úıi­nde» qazirgi tańda «Qoǵamdyq kelisim» kommýnaldyq memlekettik mekemesi or­na­lasqan. 

– Mańǵystaýdaǵy barsha ultty bir shańyraqqa biriktiretin «Dostyq úıinde» bar­lyq jaǵdaı jasalǵan. Oblysymyzdaǵy et­nomádenı birlestikter men jastar uı­y-

mynyń múshelerine arnalǵan arnaıy ka­bınetter ashyldy. Kabınetter zamana­ýı qural-jabdyqtarmen qamtylǵan. Mań­ǵystaý oblysynda Qazaqstan hal­qy Assambleıasynyń ashylý tarıhy men etnomádenı birlestikterdiń qyz­me­ti týraly mýzeı jasaqtaldy. Mýzeıde 21 ulttyń mádenı murasy men ól­kemizde birlik pen tatýlyqty, dos­tyq pen yntymaqtastyqty nasıhat­tap, da­­mytýǵa qomaqty úles qosqan qo­­ǵam qaı­ratkerleriniń ómiri men shy­ǵar­ma­shy­lyǵy týraly aqparattar qoı­ylǵan, – deıdi Mańǵystaý oblysy Qazaqstan hal­qy Assambleıasy hat­shylyǵynyń meń­gerýshisi G.Ismýr­zı­na.

О́mirde oryn almaı turmaıtyn kúr­deli jaǵdaılardy sheshýge atsalysyp-aralasýdy da Dostyq úıi nazardan tys qaldyrǵan joq. Munda sotqa deıingi daý-janjaldy sheshý já­ne halyqqa quqyqtyq, áleýmettik keńes berý maqsatynda, kásibı jáne kásibı emes medıatorlar úshin Medıasııa ortalyǵyna arnalǵan arnaıy bólme qyzmet atqarady. Qyzmetterdiń jedeldigin arttyrý úshin «Shuǵyl jeli» telefony qondyryldy. Keń ári kúrdeli jóndeýden ótken ǵımaratta 500 adamǵa arnalǵan konserttik zal, 50 adamǵa ar­nal­ǵan májilis zaly jáne kit­ap­hana qyz­met atqarady.

«Dostyq úıi» Elbasynyń bastamala­ryn júzege asyrýǵa qoldaý kórsetý, ult­tar arasyndaǵy tatýlyqty nyǵaıtý, jas­tarǵa ulaǵatty tálim-tárbıe berý, jer­­g­ilikti jerdiń tarıhy men mádenıetin na­sıhattaý baǵytyndaǵy jumystardy júı­eli júzege asyryp keledi. Mekemeniń arnaıy bekitilgen is - sharalar josparyna sáıkes, keń kólemdi aksııalar men mádenı sharalar, dóńgelek ústel men se­­mınar-trenıngter, taqyrypty bas­qo­­sýlar jıi uıymdastyrylady. Ár senbi saı­yn ótetin «Beıbitshilik jáne bir­lik sabaǵy» atty ashyq sabaǵy Aqtaý qa­lasyndaǵy mektepter arasynda zor qy­zy­ǵýshylyqqa ıe boldy. Ashyq sabaq ke­zinde oqýshylar úshin «Dostyq úıine» saıa­hat uıymdastyrylyp, Qazaqstan hal­qy Assambleıasy týraly beınerolıkter kór­setilip, oqýshylar arasynda ıntellek­tý­aldy oıyndar ótkiziledi. Koreı jáne ta­tar etnomádenı birlestikteriniń «Jek­sen­bilik mektebi» ár aptanyń senbi, jek­sen­bi kúnderi «Dostyq úıiniń» keń dálizin qyzý tirlikke toltyrady.

«Jeksenbilik mektep» sabaqtarynda qa­ty­sýshylarǵa memlekettik til men ana tilderin oqyp úırený múmkindikteri qaras­ty­rylyp, qolóner, án aıtý úı­ir­me­leriniń sharalary josparlanǵan. Son­daı-aq, jas­tardyń bos ýaqytyn tıimdi paı­da­lanýy maqsatynda akterlyq jáne sheshendik sheberlikti damytýǵa arnalǵan úıirme ashyldy. Qazirgi tańda atalǵan úıirmege joǵary synyp oqýshylary men stýdentter qatysady. Ártúrli ulttyń ókilderi repertýaryna ózderiniń  án-bı­le­ri engizilgen konsert qoıyp,  eli­miz­degi dostyq pen tatýlyqty nasıhattap,  bir shańyraq astynda bir úıdiń balasyndaı ómir súrip keledi.

Gúlaıym ShYNTEMIRQYZY,

«Egemen Qazaqstan»

Mańǵystaý oblysy