Saıa beretin japyraqty aǵashtardy otyrǵyzý jumystarynyń kóshbasynda Báıdibek aýdany tur. Ondaǵy tabıǵat janashyrlary búgingi tańda baǵdarlama aıasynda 172 myń tut aǵashyn, 3050 shyrsha jáne 22800 túp gúl kóshetterin otyrǵyzdy. Otyrar aýdanyndaǵy Shilik, Temir, Sháýildir, Otyrar, Qoǵam jáne Talapty aýyldyq okrýgterinde búginge deıin 53294 túp jasyl jelek otyryǵyzylsa, Tóle bı aýdanynda 28 myń túpten astam qaraǵash, arsha jáne jemis aǵashtary egilgen.
Saryaǵash aýdanyndaǵy respýblıkalyq mańyzy bar avtojol boıynda ornalasqan aýyldyq okrýgterde aýmaǵy 11 shaqyrymdy quraıtyn saıly, tóbeli jerlerge 20 myń túp dekoratıvti aǵash – shyrsha, boz arsha kóshetteri egildi. Shardarada baǵdarlama aıasyndaǵy kógaldandyrý jumystary jolǵa qoıylǵan. Aýdanda «Jasyl aımaq» qurý jospary túzilip, «Shardara-Abaı» men «Shardara-Arys» tas joldarynyń boıynda 3300 kóshet jaıqalyp tur.
Sozaqtyqtar «Shatqal» baǵdarlamasyna sáıkes, 6 myń túp tal egý josparlanǵanyn aıtsa, búginde onyń 1030 túp dekoratıvti kósheti aýdandaǵy 8 sý qoımasynyń mańyna otyrǵyzylǵan. Jáne munda qazirgi kezde 800 túp raýshan gúli ósirilip jatyr. Saıram aýdanynyń tabıǵat janashyrlary da baǵdarlamaǵa qatysýdan shet qalǵan joq. Saıram men Túlkibas aýdandarynyń shekteser tusynda, ıaǵnı Mashat asýyndaǵy halyqaralyq avtojoldyń boıyna 1200 túp túrli jemis aǵashymen qosa, qylqanjapyraqty jáne qaratal kóshetteri otyrǵyzyldy.
Maqtaaral aýdanynda baǵdarlama aıasynda 11 myń túp tal kósheti otyrǵyzylsa, qazyǵurttyqtar 40,8 ga jerge 25610 dana kóshet egýdi josparlap, búginde 25,8 ga jerge 16343 dana kóshet otyrǵyzdy. Túrkistanda da apta saıynǵy senbilik bos ótpeıdi. Onda búgingi tańda 17 myń túp aǵash kóshetteri kútip, baptalýda. Al Kentaýdaǵy «Kók tóbe» ýchaskesine qondyrylǵan 552 túp qaraǵash keleshekte shahar turǵyndaryna saıa bolar jelekterdiń qataryna kiredi degen jospar bar. Arystaǵy aǵaıynnyń da baǵdarlamaǵa qosqan úlesi mol. Shahar turǵyndary qazirgi tańda «Qalaý Datqa» turǵyn aýdanyndaǵy shatqalǵa 1100 túp kóshet ekse, Arys-Shymkent tas jolynyń boıyndaǵy 12 ga jer telimine 5797 kóshet otyrǵyzdy. Túlkibastaǵy 15 aýyldyq okrýgte «Shatqal» baǵdarlamasynyń 6 myń kósheti ósirilip, baptalýda. Aýyldyq okrýgterdegi 34 ga jerge túlkibastyqtar emen, shyrsha, qaratal, terek, bozarsha, sámbi aǵashtarynyń kóshetin otyrǵyzǵan. Al Ordabasylyq turǵyndar búginge deıin 24165 túp aǵash kóshetin egipti.
