О́ńirdegi etnomádenı birlestik músheleri, Qazaqstan halqy Assambleıasy kafedralarynyń jetekshileri, qoǵamdyq kelisim jáne analar keńesteriniń músheleri qatysqan jıynda Elbasy maqalasynan týyndaıtyn maqsat-mindetter jaıynda aıtyldy. Respýblıkalyq biryńǵaı kún aıasynda uıymdastyrylǵan sharany oblys ákimi apparatynyń «Qoǵamdyq kelisim» kommýnaldyq memlekettik mekemesiniń basshysy Tamara Amantýrlına ashyp, máńgilik el bolý jolyndaǵy ıgi ister jańa belesterge jol ashatynyna toqtaldy.
Ǵylymı saraptama tobynyń aǵa sarapshysy Saltanat Ábilova «Memleket basshysynyń birtutas ult bolýymyz úshin bolashaqqa qalaı qadam basatynymyz jáne buqaralyq sanany qalaı ózgertetinimiz týraly oıy kóptiń kókeıinde júrgen máselelerdiń kúrmeýin sheship berdi», – degen pikirin ortaǵa saldy.
«HHI ǵasyrdaǵy ulttyq sanany jańǵyrtýdyń basty sharty – ulttyq qundylyqty saqtaý. Eger jańǵyrý eldiń ulttyq rýhanı tamyrynan nár almasa, ol adasýǵa bastaıdy. Prezıdenttiń bul ıdeıasy elimizdegi konstıtýsııalyq, ekonomıkalyq reformalardyń zańdy jalǵasy. Maqalada jańa zaman kóshine ilesip, órkenıetti el bolý úshin sanany saqtaý men óristetýdiń naqty joldary usynylǵan. Kórsetilgen alty joba jalpy halyqtyń, onyń ishinde jastardyń boıyndaǵy otansúıgishtik qasıetti damytýǵa oń yqpalyn tıgizeri anyq», – dedi S.Ábilova.
Baqytgúl BABASh,
«Egemen Qazaqstan».
ATYRAÝ.
