Alqaly jıyn barysynda Elbasy Nursultan Nazarbaevtyń «Egemen Qazaqstan» gazetinde jarııalanǵan «Bolashaqqa baǵdar: rýhanı jańǵyrý» atty maqalasy talqylandy. Zııaly qaýym ókilderi Memleket basshysynyń oı-tolǵamdary, rýhanı jańǵyrýǵa qatysty usynystary birinshi kezekte jas urpaqqa arnalǵandyǵyn túsindirdi.
Din isteri jáne azamattyq qoǵam vıse-mınıstri Abzal Núkenov osyndaı sharalardy basqa da oqý oryndarynda ótkizse artyq bolmas edi degen pikir bildirdi. Sebebi, búgingi jıyn syndy salıqaly únqatysýlar aǵa býyn men jas urpaqtyń arasyndaǵy rýhanı jańǵyrýdyń mańyzyn tereń túsinýge múmkindik beredi. Urpaqtar arasyndaǵy sabaqtastyqty jalǵastyrýǵa septigin tıgizedi. Sondaı-aq, ol jastardy óz bolashaqtarynyń ıesi retinde Elbasy makalasyndaǵy ıdeıalardy júzege asyrýǵa belsene atsalysýǵa shaqyrdy.
Abzal Núkenov aıtyp ótkendeı, Ulttyq kodymyzdyń saqtalýynyń bir kepili retinde ýnıversıtetter men ınstıtýttarda, kolledjderde Ulttyq qundylyqtar mektebiniń jumysyn uıymdastyrǵan jón. Bul mektep dúnıe júzinde bolyp jatqan, jastar úshin paıdaly jańashyldyqtardy olardyń sanasyna sińirýge yqpal etetin bolady.
Oqý oryndary janynan Ulttyq qundylyqtar mektebin qurý týraly usynys jıynǵa qatysýshylar tarapynan qoldaýǵa ıe boldy.
Arnur ASQAROV,
«Egemen Qazaqstan»
ASTANA
