«Kezinde orys kópesterinen qalǵan qaraǵaı úı ótken ǵasyrdyń basynda NKVD uıymynyń ǵımaraty bolǵan. Bıyl Shyńǵystaıdaǵy Ábdikerim mektebine 100 jyl tolatyndyqtan, sonyń bos jatqan ornyna osy ǵımaratty aparyp qoıý jóninde sheshim qabyldanǵan edi. Kóne shaı osy ǵımarattyń shatyrynan shyqty. Shaı kesekteriniń uzyndyǵy – 24, eni – 18,5, qalyńdyǵy – 1,4 santımetrdi quraıdy. Shaı betinde «V.Vysoskıı», «Chystyı Seılonskıı» degen jazýlar, kompanııanyń keme túrindegi saýda belgisi jáne arabsha tańba bederlengen. Sonymen qatar, shatyrdan birneshe oram bul tabyldy. Bir tańǵalarlyǵy, barlyǵy sol qalpynda saqtalǵan», deıdi jýrnalıst.
Eski ǵımaratty buzý kezinde qurylysshylar sondaǵy bir bólmeniń qabyrǵasynan «Shabdan 1928» dep kırıll qarpimen bederlengen jáne arabsha jazylǵan jazbalardy baıqapty.
Aýdandyq máslıhat hatshysy Dúısen Bralınov bul bólmeniń kezinde qapas bolǵanyn, al Shabdannyń Ábdikerim bolystyń uly ekendigin, 1928 jyly ákesi ekeýi Qytaı asqanǵa deıin ol osy jerde ýaqytsha qamaqta otyrýy ábden múmkin ekendigin aıtady.
Qazirgi ýaqytta Shyńǵystaı aýylynda kezinde Ábdikerim bolys saldyrǵan mektep ǵımaraty qaıta qalpyna keltirilip jatqan kórinedi. Bul jerde murajaı ashylady dep josparlanyp otyr. Shatyrdan tabylǵan jádigerler osy murajaıǵa qoıylatyn bolady.
Azamat QASYM, «Egemen Qazaqstan»
Shyǵys Qazaqstan oblysy
