Tájikstannyń SIM basshysy Astana qalasyna Shanhaı yntymaqtastyq uıymynyń Syrtqy ister mınıstrler keńesiniń jumysyna qatysý úshin keldi.
«Qazaqstan 2015 jylǵy 14 qyrkúıekte prezıdentter Nursultan Nazarbaev jáne Emomalı Rahmon qol qoıǵan Strategııalyq áriptestik týraly shartqa tolyqtaı sáıkes Tájikstanmen ózara tıimdi yntymaqtastyqty odan ári tereńdetýge jáne keńeıtýge kózdelgen», - dedi Q. Ábdirahmanov. Ol Qazaqstannyń BUU Qaýipsizdik Keńesinde turaqty emes múshesi retinde ózekti basymdyqtarynyń biri - Ortalyq Azııanyń múddelerin jahandyq deńgeıde ilgeriletý bolyp tabylatyn atap ótti.
Taraptar kezdesý barysynda Qazaqstan-Tájik yntymaqtastyǵy máseleleriniń keń aýqymy boıynsha egjeı-tegjeıli konsýltasııalar ótkizdi.
S. Aslov atap ótkendeı, Qazaqstan TMD elderi arasynda Tájikstanmen syrtqy saýda aınalymy boıynsha ekinshi oryn alady. 2016 jyly ózara saýdanyń kólemi 670 mıllıon AQSh dollaryn qurady. Degenmen, taraptardyń pikiri boıynsha, aıtarlyqtaı iske asyrylmaǵan áleýet áli de bar.
Osyǵan oraı, mınıstrler birlesken ınvestısııalyq jobalaryna, elektr qýatyn jetkizý keleshegine, aýyl sharýashylyǵy salasyndaǵy yntymaqtastyqqa, kóliktik tranzıtke erekshe kóńil aýdarýǵa kelisti. Ortalyq Azııadaǵy sý resýrastaryn tıimdi paıdalaný, qaýipsizdik salasyndaǵy ahýal, sondaı-aq mádenı-gýmanıtarlyq qatynastar máseleleri qoǵaldy.
Mınıstrler kelissózder qorytyndysy boıynsha Qazaqstan Respýblıkasy jáne Tájikstan Respýblıkasy arasynda Strategııalyq áriptestik týraly shartty ratıfıkasııalaý jónindegi gramotalarmen almasý rásimin ótkizdi. Osylaısha, atalǵan shart óz kúshine endi.
