Atalmysh fılm Qazaqstandaǵy eń áıgili sport túri – boks týraly baıandaıdy. Kartına erejesiz jekpe-jekke qatysatyn jas jigit týraly.
«Jol» fılminiń túsirilimi Almaty qalasynda ótti. Túsirilim jumystarynyń bir bóligi qaladaǵy «Baraholka» atalyp ketken bazarda túsirilse, jattyǵý jumystary beınelengen kórinister Qazaq ulttyq agrarlyq ýnıversıtetiniń sport zalynda ótti. Fılmdegi basty róldi «G.H.A.D» mýzykalyq tobynyń ánshisi, jas akter Nazar Sharhan somdaǵan. Al bas keıipkerdiń súıiktisiniń rólinde T.Júrgenov atyndaǵy Qazaq Ulttyq óner akademııasynyń túlegi Dınara Jumaǵalıeva oınaǵan. Al kartına barysyndaǵy eń jaǵymsyz keıipkerdiń beınesinde QR Eńbek sińirgen artısi Dımash Ahımov («Sońǵy asý», «Prımıte Adama!»).
Sonymen qatar fılmde jattyqtyrýshynyń rólin - QR Eńbek sińirgen artısi Erik Joljaqsynov, Temirlannyń ákesiniń rólin – Erjan Túsipov («Siz kimsiz Ka myrza?») oınaıdy.
2003-shi jyly qurylǵan «Krasnogorskıı» halyqaralyq festıval - Shyǵys Eýropadaǵy jáne TMD elderindegi iri sporttyq kınobaıqaý. Kınofestıval prezıdenti – álemniń úsh dúrkin olımpıada chempıony, álemniń on dúrkin chempıony, on bir ret Eýropa chempıony – Irına Rodnına.
Bıylǵy jyly festıval baǵdarlamasyna sport týraly 100-ge jýyq kınotýyndylar túsken. Festıvalge qatysý úshin tańdap alynǵan 70-ke jýyq kórkem jáne derekti kınofılmder 15 elden usynylǵan. Olardyń arasynda: Reseı, Avstrııa, Belarýs, Ulybrıtanııa, Germanııa, Ispanııa, Italııa, Qazaqstan, Kanada, Moldova jáne t.b.
«Jol» fılmi týraly:
Almatydaǵy bazarlardyń birinde jumys istep oǵan qosymsha jasyryn ótkiziletin erejesiz tóbeles jarystaryna qatysyp júrgen, kóshe tóbelesimen shynyqqan jas jigittiń ómiri kórsetiledi. Ýaqyt óte kele ol azamat ózi úshin kásipqoı boks ómirindegi eń mańyzdy dúnıe ekenin túsinip, kóshe tóbelesi men qoıylatyn básaqydan quralǵan kúndelikti tirshiligin tastap bokserlik klýbqa keledi. Alaıda ony ótken kúnderdiń elesi erkine qoıa berýge beıil emes.
Túsirilim: Sh.Aımanov atyndaǵy «Qazaqfılm» AQ-y, «567 creative laboratory» stýdııasynyń qatysýymen.
Janry: sporttyq drama
Uzaqtyǵy: 1 saǵat 30 mınýt
Qoıýshy rejısser: Asqar Uzabaev
Ssenarıı avtory: Asqar Uzabaev
Qoıýshy operator: Azamat Dýlatov
Qoıýshy sýretshiler: Oskar Iskakov, Sanjar Omarov
Kompozıtor: Nıkıta Karaev
Rólderde: Nazar Sharhan, Dýlat Jumaqadyr, Erjan Túsipov, Dımash Ahımov, Erik Joljaqsynov, Dınara Jumaǵalıeva, Erbolat Toǵyzaqov jáne basqalar.
