IV Astana ekonomıkalyq forýmy: Innovasııalyq kongress – ıntegrasııalyq máselelerdiń sheshimi

Astana ekonomıkalyq forýmy aıasynda tórt jyl boıy ótkizilip kele jatqan dástúrli ınnova­sııa­lyq kongress bıyl da ótetin bolyp josparlandy. Innovasııalyq kongress jáne «Innovasııa men ınvestısııa» ta­qy­rybyndaǵy kórme Astana eko­no­mıkalyq forýmynyń aıasynda 3-4 mamyrda ótpek. Forýmnyń ple­narlyq otyrysynda Qazaq­stan Prezıdenti Nursultan Nazarbaev, BUU Bas hatshysynyń orynbasary Iаn Kýbısh, Nobel syılyǵynyń ıegerleri Robert Mandell, Djon Nesh, Rodjer Kro­nberg, Djeıms Mırrlıs, Fınn Kılend qatysady dep kú­tilýde. Mundaı aıtýly jıynǵa ataǵy jer jarǵan ekonomıster men Nobel syılyǵynyń ıeger­leriniń qatysýy ınnovasııalyq kongrestiń mańyzdylyǵyn aı­qyn­daı túspek. Bul elimizdiń eko­nomıkalyq damý baǵytyn aı­qyn­dap, ınvestısııalyq saıasattyń kemeldene túsýine jol ashady. Sonymen birge, forým aıasynda «Astana Invest 2011» taqy­ry­bynda ınvestısııalyq forým jáne básekelestik máselesi jó­ninde semınar ótkizilý de jos­parlanyp otyr. Kásipkerler men ónerkásipshiler saýda-eko­nomı­ka­lyq baılanys salasyndaǵy qa­rym-qatynastyń keńeıýi jáne Eýrazııa keńistiginde ózara tıimdi ınvestısııalyq klımattyń or­na­ýy, sondaı-aq, ekonomıkany da­mytý maqsatynda ózara qarym-qa­tynas máselelerin talqyǵa salmaq. Innovasııalyq kongrestiń baǵ­darlamasynda memleketara­lyq saıa­sat, ıntegrasııalyq úderis jáne halyqaralyq ınnovasııalyq birlesken sharalar tetigi tal­qy­lanatyn plenarlyq otyrys ta kózdelgen. Bunda negizgi maqsat ın­tegrasııalyq múmkindikterdiń jańa baǵyttaryn izdestirý bolyp otyr. Kongreske 300-den astam ha­lyqaralyq jáne Qazaqstan sa­rap­shylary, sheneýnikter men ult­tyq kompanııa ókilderi qaty­sady. Kongress aıasynda Nobel syılyǵynyń laýreaty, Skolkova ǵylymı-tehnıkalyq keńesiniń teń tóraǵasy Rodjer Kronberg «Ulttyq ınnovasııa júıeleriniń ıntegrasııasy» taqyrybynda baıandama jasaıdy. «Ulttyq ınnovasııalyq qor» AQ pen halyqaralyq ınnovasııa­lyq ınstıtýttar arasynda kelis­sózder men memorandýmdarǵa qol qoıý, birlesken jobalardy jú­zege asyrý maqsatynda ındýs­trııalyq-ınnovasııalyq jobalar kórmesi ótkizilmek. Kongress barysynda jahan­dyq jáne aımaqtyq ıntegrasııa máseleleri boıynsha sessııa ótkizilmek. Onyń basty maqsaty – jańa ıntegrasııalyq sheshimder men memleketterdiń básekeles­tik­ke qabiletti jetekshi bolý múm­kindikterin qarastyrý, son­daı-aq, Qytaı, Reseı jáne Or­talyq Azııa elderimen saýda-ekonomıkalyq qarym-qatynasty nyǵaıtý. Byltyr osy kongress aıasynda Reseı, Belarýs, Polsha, Chehııa, Shveısarııa, Ýkraına, Estonııa, Avstrııa, Ázirbaıjannan kelgen bıznesmender delegasııasy men basqa da memleketter ókilderi ózara tájirıbe almasyp, eko­no­mıkalyq problemalardy sheshý­diń joldaryn qarastyrǵan edi. Ashyq áńgime barysynda daǵ­da­rystan keıingi kezeńde jeke bıznesti Eýropa men Azııa memleketteri arasynda ózara damytý qa­rym-qatynasy talqylandy. Bı­yl­ǵy maqsat ta sol bolmaq. Forým aıasynda iri qazaq­standyq kompanııalar men shetel kompanııalary arasynda kelis­sóz­der men memorandýmdarǵa qol qoıý, ınfraqurylymdar men bank sektoryna ınvestısııa tartý kózdelip otyr. Byltyrǵy forým nátıjesi boıynsha, ózara is-qı­myl jónindegi kelisimder men memorandýmǵa, Eýropa ınvestı­sııa­lyq bankimen quny 1,5 mıllıard dollar turatyn ınves­tı­sııalyq jobalardy qarjylan­dy­rý jaıyndaǵy kelisim-shartqa qol jetkizilgen bolatyn. S.ALMASOV.