«Men jańa ǵana salynyp jatqan nysandardy kórip keldim. Daıyndyq joǵary deńgeıde, qurylys jaqyn arada aıaqtalǵaly tur. Nysandardy abattandyrý, tolyqtyrý jumystary júrýde. Kórme ótkizýdi laıyqty uıymdastyrý álemdik qaýymdastyqqa táýelsiz Qazaqstannyń jetistikterin kórsetedi», - dedi Nursultan Nazarbaev kórmege daıyndyq jáne Astananyń damý máseleleri boıynsha ótken jınalysta.
Memleket basshysy sońǵy 5 jylda aımaqtyq ónimniń úsh esege óskenin, bul kezeńde elordaǵa shamamen 4,5 trıllıon teńge ınvestısııa quıylǵanyn atap ótti. El ekonomıkasyndaǵy Astana úlesi 12% deıin kóterildi.
«Iаǵnı, biz Qazaqstandy taǵy bir qalamen - ózine salynǵan qarajatty memleket qazynasyna qaıtara bastaǵan úlken aktıvpen baıyttyq. Qala ekonomıkasyndaǵy shaǵyn jáne orta bıznes úlesi 46% quraıdy - bul eldiń ózge aımaqtary arasyndaǵy eń joǵary deńgeıdi quraıdy. Astana mıllıoner qalaǵa aınaldy. О́tken jyly el aýmaǵynda 10,8 mıllıon sharshy metr baspana paıdalanýǵa berilse, sonyń 2,3 mıllıon sharshy metri nemese 20%-dan astamy Astanaǵa tıesili. Qala mańyzdy ári jahandyq sharalar men kezdesýlerdi uıymdastyratyn dástúrli orynǵa aınaldy», - dep tolyqtyrdy N.Nazarbaev.
О́z kezeginde "Astana EKSPO-2017" ulttyq kompanııasynyń basshysy Ahmetjan Esimov kórmege daıyndyq barysy týraly baıandama jasady.
"Qazirgi ýaqytta EKSPO-nyń 20 nysanynyń 18-i aıaqtaldy. Eki nysan salyný ústinde, olar - Kongress ortalyq (jańa Kongress holl saraıy - red.) pen qonaqúı. Kongress ortalyq Sizdiń tapsyrmańyzben qaıta jobalandy. Qonaqúı de bergen eskertýlerińizdiń negizinde ózgertildi. Sonymen qatar ınvestorlar tartyldy. Nátıjesinde onyń quny 20 mlrd. teńgege qysqardy. Investorlardyń salǵan qarajatyn eskersek, memlekettik bıýdjet qarjysynyń shyǵyny 30 mlrd. teńgege deıin qysqarady. Kongress ortalyq ta qaıta jobalandy, sonyń arqasynda onyń fýnksıonaldyq múmkindigi keńeıdi jáne odan 9 mlrd teńge únemdeýge múmkindik týdy. Bul eki nysannyń qurylysy mamyr aıynyń sońynda aıaqtalýy tıis. Shetel prezıdentterin osy jerde qarsy alamyz, EKSPO-nyń ashylýy osynda bolady", - dep atap ótti A. Esimov.
Onyń sózinshe, EKSPO-nyń 115 qatysýshy memlekettiń 110-y óz pavılondaryn aldy, 90-y - bezendirýge kiristi.
Eń basty - "Nur Álem" pavılonyn bezendirýge Italııa, Ispanııa jáne Shveısarııa áriptesterimen birge "Cembol" kompanııasy aınalysýda. Qatysýshylarǵa qyzmet kórsetý ortalyǵy iske qosyldy. Ol bir tereze prınsıpi boıynsha jumys isteıdi.
Búgingi tańda 28 myńnan astam adam akkredıtasııadan ótti. 500 BAQ ókiline arnalǵan baspasóz ortalyǵy quryldy. Kórmeniń qaýipsizdigin qamtamasyz etý ortalyǵy da ashyldy. Sonymen qatar kedendik qyzmeti bar logıstıkalyq ortalyq uıymdastyryldy.
"Astanaǵa EKSPO kezinde 2,3 mıllıon týrıst keledi. Kórmege kelýshiler sany 5 mln. adamdy quraıtyny josparlanýda. Qazirgi tańda 930 myń bılet satyldy. Bıletterdi 44 shet memleketter de satyp aldy", - dedi Esimov.
