Ashyq alańda teatrlandyrylǵan qoıylym kórsetiledi, oǵan ulttyq-mádenı birlestikterdiń shyǵarmashylyq ujymdarynyń, Astana qalasynyń Memlekettik fılarmonııasynyń ártisteriniń, horeografııalyq toptardyń jáne qazaqstandyq estrada juldyzdary qatysady.
Sonymen qatar, qala ákimdiginiń aldyndaǵy alańda (Beıbitshilik k-si, 11) halyqtyq serýen men tanymal ártisterdiń qatysýymen konsert uıymdastyrylady.
1 mamyrda saǵat 17:00 «Astana» konsert zalynda «Astana» estradalyq-sımfonııalyq orkestriniń bas dırıjeri, eńbek sińirgen óner qaıratkeri Aleksandr Abylaevtyń 70 jyldyǵyna arnalǵan «Mereıtoıǵa tartý» konserti ótedi.
6 mamyrda elorda turǵyndary men qonaqtary «Astana» konsert zalynda Qazaqstannyń eńbek sińirgen ártisi Erlan Kókeevtiń jeke konsertin tamashalaıdy. Konserttik baǵdarlama áıgili «K-7» tobynyń tanymal kompozısııanyń qurmetine «Tanes pod dojdem» dep atalady. Kórermender nazaryna erekshe ssenografııaǵa negizdelgen qoıylym usynylady. Shara barysynda Erlan Kókeevtiń halyq súıip tyńdaıtyn eski ánderinen basqa jańa hıtter de oryndalady. Konsert qonaqtary - «Dos-Muqasan» VAA, Janna Orynbasarova jáne «ABK» toby.
7 mamyrda elordada Qazaqstan Respýblıkasynyń Qarýly Kúshteriniń 25 jyldyǵyna arnalǵan áskerı parad ótedi.
Qazirgi kezde Jeńis kúnine daıyndyq júrgizilýde. Merekelik sharalar legi Uly Otan soǵysynda qaza bolǵandarǵa taǵzym etý rásiminen bastalady. 8 mamyrda Ortalyq qalalyq zıratta Uly Otan soǵysy jyldarynda alǵan jaraqattardan kóz jumǵan jaýyngerlerdiń zıratyna «Dańq gúl tizbegi» men gúl shoǵy qoıylady.
Munymen qosa, osy kúni «Astana» konsert zalynda Marjan Arapbaeva, Qaırat Baekenov, Rınat Malsagov, Rústem Nurjigitov jáne t.b. qatysýymen 9 mamyr – Jeńis kúnine arnalǵan konsert ótedi.
Jeńis kúni «Otan qorǵaýshylar» monýmentine «Dańq gúl tizbegin» qoıý saltanaty jáne Uly Otan soǵysyna qatysýshylardyń urpaqtarynyń «Astana Jaýjúrek polki – álem marshy» sherýi uıymdastyrylady. Sharaǵa qatysýshylar saǵat 12:30-da «Qazaq eli» monýmentiniń aldynda jınalady, sherý «Otan Qorǵaýshylar» monýmentiniń janynda aıaqtalady. Sondaı-aq, «Stýdenttik» saıabaqta áskerı qalashyq ornalasady, onda 11 áskerı palatka qoıylady, soǵys ardagerleri men tyl eńbekkerlerine arnalǵan merekelik dastarqan jaıylady. 9 mamyrda qalalyq alańda jáne «Stýdenttik» saıabaqta áskerı jyldardaǵy ánder oryndalatyn merekelik konsert uıymdastyrylady.
Qazaqstan halqynyń birligi kúni, Otan qorǵaýshy kúni jáne Jeńis kúnin merekeleý aıasynda elordanyń barlyq mádenı mekemelerinde merekelik sharalar, kitaphanalarda, mýzeılerde, teatrlarda taqyryptyq kórmeler, konsertter men spektaklder ótedi.
