Saýalnamada shyǵarylatyn ónimder ishki naryq pen syrtqy naryqqa qanshalyqty shyǵarylatyny anyqtalǵan. Zertteý qorytyndysy boıynsha ónimderdi syrtqy naryqqa shyǵarý aıtarlyqtaı tómen.
Elimizdegi kásipkerlerdiń 73% ónimderin tek ózderi turaqtaǵan óńirlerge ǵana ótkizedi. Al kásipkerlerliń 16,1% ónimderin elimizdegi kórshiles óńirlerine jetkizedi, al 8,1% búkil Qazaqstanǵa taratady.
Otandyq kásipkerlerdiń shamamen 3% ǵana jaqyn jáne alys shet elge, onyń ishinde EAEO elderine eksporttaıdy.
Reseı Federasııasymen shekaralas óńirdiń, atap aıtqanda Qostanaı, Pavlodar men Soltústik Qazaqstan oblystary kásipkerleriniń EAEO elderine eksporttaýy ózge óńirlermen salystyrǵanda joǵaryraq. Qostanaı oblysy kásipkerleriniń 2,5% Qazaqstan men EAEO elderine eksporttasa, Soltústik Qazaqstan oblysynda – 2,6%, al Pavlodar oblysy kásipkerleriniń 3,5% EAEO elderine shyǵady.
Alaıda, Aqtóbe men Batys Qazaqstan oblystary kásipkerleriniń EAEO elderine eksportqa shyǵý kórsetkishi 1%-dan tómen. Jaqyn shet elderge ekporttaý kórsetkishi Astana qalasy, Shyǵys-Qazaqstan, Qaraǵandy, Pavlodar oblystarynda joǵary. Al alys shetelge ónimderin jetkizede Aqtóbe (4,1%) men Jambyl (2,3%) oblysy belsendi. Al úshtikti Shyǵys Qazaqstan oblysy támamdaıdy. Bul oblystaǵy kásipkerlerdiń 1,4% alys shetelge eksportqa shyǵady.
