Joba aıasynda Astana temirjol teliminiń ınfraqurylymyn damytý men vokzal kesheni qurylysyn júrgizý jumystary atqarylady, dep habarlaıdy «Qazaqstan temir joly» UK» AQ baspasóz qyzmeti.
Astana ınfraqurylymyn damytý arqyly júk jáne jolaýshylar aǵynyn ulǵaıtý kózdeledi.
Qalanyń ishki temirjol nysandaryn damytý qurylysyna aldyńǵy qatarly ınnovasııalyq tehnologııa paıdalanylady.
Jýdan qorǵaıtyn qurylǵymen qaptalǵan temirjol estakadasy qalanyń kóligin aǵynyna kedergi keltirmeı, jolaýshylardy jańa temirjol vokzalyna jetkizedi.
Jańa vokzal táýligine 35 myń jolaýshyny ótkize alady. Al, qazirgi elordasyndaǵy eski vokzal arqyly kúnine 12 myń jolaýshy ótýi tıis bolsa, onda is júzinde 18 myń jolaýshyǵa deıin kirip-shyǵady.
Jańa vozkal jobasyn saraptaý barysynda tartylǵan Buro Happold (Ulybrıtanııa), Tabanlioglu Architects (Túrkııa), Jamas (Germanııa) halyqaralyq sarapshylar komandasy vokzaldy temirjoldyń ústine konkors arqyly ornalastyrýdy qoldady.
Bul óz aldyna vokzal ǵımaratyn jasaýdaǵy sońǵy tásil ózindik noý-haý bolyp tabylady. «Vokzal-kópir jaǵalaýdan birtindep kóterilip, keńistikti tıimdi paıdalanýdy maqsat etken.
Vokzaldyń qalanyń iskerlik ortalyǵyna jaqyn ornalasýy da óte qolaıly. Ol arqyly qaladaǵy avtokóliktiń tyǵyndalýy azaıady.
Vokzal ǵımaratynyń aýmaǵy120 myń sharshy metr. Onda múmkindigi shekteýli jandarǵa arnalǵan takıldik joldar, Braıl álipbıimen aqparatty tablo, arnaıy kassa qyzmet kórsetedi.
Negizgi kútý zalynan bólek álemdik talaptarǵa saı qonaqúılik bólmeler, qolaıly saqtaý qoımalary, ana men bala bólmesi, medısınalyq keńseler, fýdkortttar, meıramhanalar, 1500 oryndyq ishki jáne syrtqy parkıngter qamtylǵan.
Ǵımarat qýat únemdegish lıftilermen eskalatorlarmen qamtylyp, jylý júıeleri qysta aýany jylytsa, jazda salqyndatady.
Jańbyr sýyn jınap, ony qasbetti jýýǵa paıdalanyp, jaqyn aýmaqty kógaldandyrýǵa jumsalady.
Jolaýshylardyń kezek kútip qalmaýyn boldyrmaý úshin kezekti basqarýdyń zamanýı qondyrǵysy, bıletti elektrondy satý júıesi, Internetke shyǵý múmkindigi jasalady.
Jolaýshylardy tótenshe jaǵdaılardan qorǵaý maqsatynda lańkestik oqıǵalardyń aldyn alýdyń keshendi múmkindigi jasalady. Onyń jolaýshylardy tekserip kirgizý qurylǵysy, beınebaqylaý júıesi ornatylady. Ǵımarattyń ishi syrtynda qozǵalys tártibi táýlik boıy baqylanady.
Jańa vokzal ashylǵan kezde 1300 adam jumyspen qamtylady.
15 mamyrda jalpy qurylys jumystary aıaqtalyp, 1-maýsymda vokzal kesheni ınfraqurylymynyń – ınjenerlik kommýnıkasııalyq jáne poıyz qozǵalysyn ıntellektýaldyq basqarý júıesi, jolaýshylarǵa qyzmet kórsetýi testilik synaqtan ótkiziledi.
«Nurly Jol» vokzalyna alǵashqy poıyzdar 1-maýsymnan kirip, shyǵa bastaıdy.
