Quny 300 mıllıon AQSh dollary bolatyn kásiporyn qurylysy kezinde 500-ge jýyq qazaqstandyq jumyspen qamtylady dep josparlanýda. Barlyq qarjylyq salymdardy qytaılyq tarap ınvestısııalaıdy. Al kompanııanyń Qazaqstanǵa qoıyp otyrǵan talaby – jylyna 500 myń tonna shıkizatpen, ıaǵnı sabanmen qamtamasyz etý.
Atalǵan kásiporyn jobasynyń qýattylyǵy jylyna 10 mıllıon tonna suıyq jáne qatty organıkalyq tyńaıtqyshtardy óndiredi. Sonymen qosa, zaýytta kólemi 5 myń kýb/metr bolatyn metan gazyn óndirse, sol arqyly 120 mln kVt elektr qýatyn, 70 myń tonna bıologııalyq lıgnındi Qytaı, Eýropa elderine eksporttaý múmkindigi paıda bolady. Zaýyt kúndelikti 20 myń tonna sapaly qaǵaz óńdeýge qajetti sellıýloza shıkizatyn shyǵara alady.
A.Myrzahmetov jaqynda Qytaı eline jumys saparymen baryp, birneshe kelisimderge qol jetkizip, bıznes qaýymdastyq ókilderimen kezdesken bolatyn. Sol kezdesýde Macau Legend Development Ltd kompanııa basshylarymen aldyn-ala kelissózder júrgizilgen. Endi araǵa ýaqyt uzatpaı, Qytaı tarapynan iri kompanııanyń kelip, ınvestısııa salýǵa nıet bildirýi ekijaqty kelisimniń naqty nátıjesin kórsetip otyr.
