Ákimshilik isterdi elektrondy túrde júrgizýdi testileý bıyl jazda Astanada bastalady. Bul týraly Bas prokýratýranyń Quqyqtyq statıstıka jáne arnaıy esep komıtetiniń basshysy Baǵdat Mýsın málimdedi.
"Planshetter tabeldik qarýdan artyq bolady. Nege? О́ıtkeni ol arqyly barlyq qujattar toltyrylady. Máselen jol polısııasy. Biz Astana ákimdigimen kelisip qoıdyq. JSN engize boldy, barlyq málimetter shyǵady. Kólik nómirin engizse de, ol týraly barlyq málimet kórsetiledi. Ary qaraı bapty ǵana tańdaý qalady", - dep túsindirdi Mýsın.
Mýsınniń sózinshe, tájirıbelik joba Astanada bıyl jazda bastalady.
"Maýsym-shildelerde Astanada tájirıbeden ótkize bastaımyz. Planshet taratyp. Olar qaýipsiz. Onda málimetterdi qorǵaý qarastyrylǵan. Sonymen birge, orynynda qajeti tólem jasaý úshin kartrıderler de qarastyrylǵan. Barlyq málimet adamǵa kórsetiledi, ol qolyn qoıady. Elektrondy túrde bolǵandyqtan, birden málimet bazasyna túsedi. Ol jerden barlyq ekinshi deńgeıli bankterge. Bankter tólem qabyldaǵan soń, birden bizge habar jiberip, aıyppuldy alǵyzyp tastaıdy", - deıdi ol.
Sonymen qatar, bul júıeni qylmystyq isti júrgizýge de endgizý boıynsha josparlar bar.
"Qylmystyq is - óte kúrdeli, barlyqtergeý amaldary saralanýy kerek. Avtomattandyrý isin bastap kettik. Barlyq organdar bir aqparattyq júıemen jumys isteıtin bolady. Advokatqa qandaı da bir málimet qajet bolsa, elektrondy túrde ala alady. Organdardyń barlyq amaly tirkeletin bolady. Bul jalǵan qujat jasaý men joǵalýyna jol bermeıdi. Qaǵaz qujattar ary-beri oblys, aýdan men respýblıkalyq ortalyqtar arsynda júredi. Munyń bári joıylyp, bárine ortaq e-qylmystyq is júıesi usynylady", - deıdi Mýsın.
