Depýtattar Ikram Adyrbekov, Nurtaı Ábiqaev, Muhtar Altynbaev, Serik Jaqsybekov, Lıazzat Kıınov, Georgıı Kım Qordaı jáne Aqjol ótkizý beketteriniń jumystarymen de tanysty.
Senatorlar qyrǵyz áriptesterimen kóshi-qon, parlamentaralyq jáne shekaralyq aımaqtardaǵy yntymaqtastyq, saýda-ekonomıkalyq áriptestik pen týrızmdi keńeıtý máselelerin talqylady.
Qazirgi kezde eki eldiń yntymaqtastyq salasy 150-den astam qujattardy qamtıtyn kelisim shart-quqyqtyq bazasymen bekitilgen.
Jogorký Keneshtiń tóraǵasy A.Jeenbekovtiń 2015 jylǵy maýsymda Astanaǵa jumys babyndaǵy sapary aıasynda Qazaqstan Parlamenti men Jogorký Kenesh arasyndaǵy Parlamentaralyq Keńes týraly kelisimge qol qoıylyp, osy Keńestiń otyrysy ótken bolatyn. «Keńes Qazaqstan men Qyrǵyzstan arasyndaǵy ózara tıimdi ekijaqty baılanysty nyǵaıtýǵa, onyń ishinde parlamentaralyq ózara is-qımyldy damytýǵa járdemdesedi dep oılaımyn», - dedi D.Nazarbaeva.
Senator sondaı-aq ekijaqty negizde de, halyqaralyq jáne aımaqtyq uıymdar aıasynda da ortaq kúsh-jigerdi úılestirýdiń mańyzdylyǵyn atap ótti.
«EAEO aıasyna birige otyryp, biz ózara tıimdi yntymaqtastyqtyń jańa deńgeıine shyqtyq. Ekijaqty qatynastardy damytýdyń oń qarqynyn atap ótýge bolady. Bul rette joǵary deńgeıde qol jetken barlyq kelisimderdiń iske asýyna qol jetkizý mańyzdy dep sanaımyn»», - dedi Senat komıtetiniń tóraǵasy.
