Syılyqtar men granttar alýǵa úmitkerlerdi buqaralyq aqparat quraldary, shyǵarmashylyq odaqtar, qoǵamdyq birlestikter, memlekettik organdar usyna alady.
Alǵys jarııalaýǵa shyǵarmashylyq ujymdardy shyǵarmashylyq odaqtar, qoǵamdyq birlestikter, memlekettik organdar usyna alady.
Árbir buqaralyq aqparat quraly, shyǵarmashylyq odaq, qoǵamdyq birlestik, memlekettik organ syılyqtar men granttar alýǵa eki úmitker ǵana usynýǵa quqyly. Granttar jasy otyz besten aspaǵan jas jýrnalısterge beriledi.
Syılyqtar, granttar alýǵa úmitkerlerdiń jáne Alǵys jarııalaýǵa shyǵarmashylyq ujymdardyń ózin ózi usynýyna jol berilmeıdi.
Syılyqtar nemese granttar alýǵa buqaralyq aqparat quralynyń, shyǵarmashylyq odaqtyń, qoǵamdyq birlestiktiń, memlekettik organnyń resmı blankisine jazylǵan, birinshi basshy nemese onyń ornyndaǵy adam qol qoıǵan (A4 formattaǵy kólemi 2 paraqtan aspaıtyn) usynym joldanady. Oǵan mynadaı qujattar qosa usynylady:
- syılyqtar nemese granttar alýǵa usynylǵan úmitkerdiń aty, ákesiniń aty, tegi jáne shyǵarmashylyq búrkenshik esimi (eger bolsa), sondaı-aq atqaratyn laýazymy kórsetilgen negizgi jumys ornynan anyqtama;
- syılyqtar nemese granttar alýǵa usynylǵan úmitkerdiń jeke kýáliginiń nemese tólqujatynyń kóshirmesi;
- syılyqtar nemese granttar alýǵa usynylǵan úmitkerdiń shyǵarmashylyq qyzmetiniń qysqasha sıpattamasy;
- jarııalanymdar mátinderi nemese aýdıo jáne (nemese) beınematerıaldar;
- negizgi jarııalanymdarynyń tizimi jáne (nemese) olardyń kóshirmeleri.
Alǵys jarııalaýǵa shyǵarmashylyq odaqtyń, qoǵamdyq birlestiktiń, memlekettik organnyń resmı blankisine jazylǵan birinshi basshy nemese onyń ornyndaǵy adam qol qoıǵan buqaralyq aqparat quralynyń qyzmeti týraly (A4 formattaǵy kólemi 2 paraqtan aspaıtyn) usynym usynylady;
Konkýrsqa mán-mańyzy joǵary negizgi jarııalanymdar nemese aýdıo jáne (nemese) beınematerıaldar usynylady.
Qaraýǵa 2016 jylǵy 1 maýsym men 2017 jylǵy 31 mamyr aralyǵynda jarııalanǵan jáne (nemese) efırge shyqqan materıaldar qabyldanady.
Syılyqtar, granttar alýǵa jáne Alǵys jarııalaýǵa usynylǵan materıaldar men qujattar qaıtarylmaıdy.
Kitaptar BAQ salasyndaǵy nagradalar alýǵa usynylǵan materıal retinde qarastyrylmaıdy. Merzimdi basylymdarda jaryq kórgen maqalalar toptamasyn usynýǵa bolady.
Memleket basshysynyń syılyqtaryn, granttaryn alýǵa jáne Alǵysyn jarııalaýǵa usynymdardy Qoǵamdyq komıssııanyń tóraıymy – Qazaqstan Respýblıkasynyń Memlekettik hatshysy G.Ábdiqalyqovanyń atyna 2017 jylǵy 1 maýsymǵa deıin myna mekenjaı boıynsha: 010000, Astana, Sol jaǵalaý, «Aqorda» rezıdensııasyna jáne/nemese A.Zatova@akorda.kz elektrondyq adresine joldaý qajet.
Memlekettik organdardyń usynymdary elektrondy qujat aınalymynyń biryńǵaı júıesi arqyly tek elektrondy formatta ǵana qabyldanady, bul qosymshalary elektrondy tasymaldaǵysh (dısk) arqyly joldanatyn usynymdarǵa qatysty emes.
Baılanys nómirleri: +7 (7172) 74-41-15, 74-42-65, 74-41-57.
Qazaqstan Respýblıkasy Prezıdentiniń baspasóz qyzmeti
