«Jyl saıyn ótetin jarysqa birneshe jyldan beri júzý sporty da qosyldy. Ishki ister departamenti qyzmetkerleriniń jattyǵýy úshin barlyq jaǵdaı jasalǵan. Zamanaýı tır, myltyq atýdan nusqaýshy, júzýge basseın bar», deıdi «Dınamo» deneshynyqtyrý-sport qoǵamynyń oblystyq fılıaly tóraǵasynyń orynbasary, zapastaǵy polısııa polkovnıgi Vıktor Chernıavskıı.
Úshsaıys jarysyndaǵy myltyq atýdan polısııa leıtenanty Azamat Baımaǵambetov úzdik kórsetkishke jetti. Jarystyń ekinshi satysy – 50 jáne 100 metrge erkin júzýden polısııa maıory Taıyr Aqanov áriptesterine des bermedi. Jarystyń úshinshi satysyndaǵy uzyndyqqa sekirýden polısııa maıory Mırasbek Aqmuhambetov jaqsy kórsetkishke jetti.
Tóreshiler jarysqa qatysqandardyń jasy boıynsha barlyq upaı sandaryn jınap, júldeli oryndaryn belgiledi. Jarys polıseıler úshin tek júldeli oryn alýymen emes, óz qyzmeti úshin sheberligin shyńdaý bolyp tabylady. Sondyqtan polıseıler úshsaıysqa qatysýdy óziniń biliktiliginiń artqany dep biledi.
Názıra Járimbetova,
«Egemen Qazaqstan»
Qostanaı
