Jańa tehnologııalyq ádistiń paıdasy mol ekenin aıtqan sharýalar bul tehnıka bir mezette úsh qyzmetti atqaratynyn aıtady. Máselen, tehnıka shıt tuqymyn shahmat ádisimen topyraqqa birkelki tastap, sonymen birge tamshylatyp sýarý júıesin qosa kómip, onyń ústinen plenka jaýyp ta úlgeredi. Osylaısha, dáldikpen egilgen shıt tuqymy tez ósip jetilse, tamshylatyp sýarýdyń nátıjesinde qoza kósegi túgeldeı derlik ashylyp, ónim kórsetkishi eki ese artady.
«Iirjar-agro» seriktestiginiń atqarýshy dırektory Baqyt Qambarovtyń aıtýynsha, bıylǵy jyly maqtanyń elıtalyq «2747» jáne qytaı sorty egilgen. Bir gektarǵa 270-280 myń teńge kóleminde shyǵyn jumsaıtyn sharýashylyq berekeli kúzde bul shyǵynnyń eselep qaıtaryna senimderi mol.
Byltyr 240 gektarǵa shıtti maqta egip, ár gektarynan 51 sentner ónim alǵan seriktestik maqta alqabynyń kólemin 300 sentnerge jetkizýdi kózdep otyr.
Baqtııar Taıjan,
"Egemen Qazaqstan"
Ońtústik Qazaqstan oblysy
Baqtııar TAIJAN,
«Egemen Qazaqstan».
