Qazaqstan delegasııasy Fınlıandııada boldy

Parlament Senaty Appara­ty­nyń basshysy Serik Sydyqov bas­taǵan Qazaqstan delega­sııa­sy  Bas hatshy M.-L.Paavo­la­men jáne Edýskýntanyń qury­lym­­dyq bólimsheleri men turaq­ty komıtetteriniń basshylary­men kezdesti. Odan basqa, S.Sy­­dyqovty Qazaqstanmen Par­­la­menttik dostyq tobynyń tór­­aǵasy, Fınlıandııa Respýb­lı­ka­syn­yń  burynǵy syrtqy saýda jáne damý mınıstri L.Toı­vakka, «Sıtra» fın ınnova­sııa qory baıqaý keńesi tóraǵa­synyń orynbasary O.Ala-Nıs­sılıa jáne Fınlıandııa ekonomıka mınıstriniń keńesshisi M.Ha­lonenmen birge basqa da  birqatar zań shyǵarýshylar qabyldady.

Kelissózder barysynda S.Sydyqov fın tarapyn Prezı­dent N.Nazarbaevtyń «Qazaq­stan­nyń Úshinshi jańǵyrýy: jahan­dyq básekege qabilettilik» Joldaýynda aıtylǵan elimizdiń damýyndaǵy basym­dyqtar­men jan-jaqty tanystyrdy, son­daı-aq konstıtýsııalyq refor­malardyń barysy men Mem­leket basshysynyń «Bola­shaqqa baǵdar: rýhanı jańǵyrý» maqalasynda mazmundalǵan jańarýlardan  habardar etti.

Innovasııalyq belsendi­lik­ke, shaǵyn jáne orta bıznes pen ındýstrııalyq-ınnova­sııa­­lyq qyz­­­­metti qoldaýǵa nazar aýda­ra oty­­ryp, Parlament­­tiń zań shy­ǵar­ý­dy qamtamasyz etý sala­sy bo­­ıynsha pikir al­ma­sty jáne tá­ji­­rıbe bólisý turǵy­synda áńgime óristedi.

Is júzindegi taqyryptarǵa erekshe nazar aýdara otyryp, taraptar yntymaqtastyqty qalyp­tastyrýǵa jáne kadr saıa­saty máseleleri boıynsha  táji­rıbe almasýǵa, zań shyǵarý qyz­metin aqparattyq-taldaýmen qamta­masyz etýge múddelilik bildirdi.

Mádenı-gýmanıtarlyq is-qımyldy keńeıtý maqsatynda jáne Qazaqstan men Fınlıandııa arasyndaǵy dıplomatııalyq qatynastar ornaǵanyna 25 jyl tolýyna oraı (13 mamyr) jáne Fınlıandııa táýelsizdiginiń 100 jyldyǵyna baılanysty Hel­sınkıde «Anaǵa jol» fılmi­niń tusaýkeseri boldy. Parla­ment depýtaty, fın eliniń damý máseleleri jónindegi buryn­ǵy mınıstri P.Haavısto bul sharanyń qur­metti meıma­ny boldy. Par­lament músheleri, Fın­lıan­dııanyń Syrtqy ister mınıstr­ligi men basqa da mem­lekettik organdarynyń, dıp­lomatııalyq korpýstardyń, qazaqstandyq dıasporanyń ókilderi, sondaı-aq Fınlıandııada oqıtyn elimizdiń stýdentteri qatysty.

Sapar barysynda Fınlıandııa Parlamentiniń janynan quryl­ǵan «Sıtra» fın ınnovasııa qory­nyń shtab-páterinde kez­desý­ler boldy. Bul bedeldi mem­­lekettik qurylym eldiń ın­n­o­vasııalyq jáne ǵylymı-teh­nıkalyq damý strategııasymen 50 jyl aınalysyp kele­di. Qazaqstan delegasııasy ınno­vasııalyq ınfraqurylymdy qurý, tehnologııalyq parkter men ınnovasııalyq damý ınstıtýttaryn basqarý jónindegi fın tájirıbesin zerdeledi. Týrký qalasyndaǵy TEKES tehnologııa jáne ınnovasııa agenttiginde jáne Ǵylymı parkte bolǵan kezde delegasııa startap kompanııalar men shaǵyn jáne orta bıznes kásiporyndarynyń jobalaryn qarjylandyrý, jetekshi fın tehnoparkteri biriniń qyzmetin basqarý tájirıbelerimen ta­nysty.

Porvoo jáne Týrký qala­laryndaǵy mýnısıpa­lıtetter­diń basshylyǵymen kezdesý barysynda qazaqstandyq tarap­qa aımaqtaǵy ınnovasııalyq qaýym­dar men aldyńǵy qatardaǵy teh­nologııalyq jobalardy engizý tájirıbesi kórsetildi. Fın jaǵy bıznes ınfraqurylymyndaǵy «smart» uıymdastyrýdaǵy jańa­lyqtarymen, tehnologııalyq park­terin damytý jáne ınno­vasııa­ny memlekettik qoldaý táji­rıbesimen bólisti.