Alqaly jıyndy aımaq basshysy Qumar Aqsaqalov kirispe sózben ashyp, Elbasynyń aýyl sharýashylyǵy daqyldaryn ártaraptandyrý jónindegi tapsyrmalaryn eske saldy. О́ńirde bıyl 4 mıllıon 377,5 myń gektar jerge ornalastyrylatyn aýyl sharýashylyq daqyldarynyń 3 mıllıon 117,8 myń gektaryn dándi jáne burshaq daqyldary quraıdy. Maıly daqyldar 700 myń gektarǵa deıin ulǵaıtylǵan.
Keńeste keıbir agroqurylymdardyń topyraq qunarlyǵyn arttyrý, aýyspaly egis júıesin saqtaý jumystaryn óz deńgeıinde júrgize almaı otyrǵany ashyp aıtyldy. 4 jáne 5 surypty dándi jáne burshaqty daqyldar tuqymyn joǵary ónimdilik túrlerine aýystyrý da – kókeıtesti máselelerdiń biri. Egis naýqanyna qajetti janar-jaǵarmaı alý jaıy da kóńil kónshitpeıdi. Qajetti 65 myń tonna dızel otynynyń jartysyna ǵana shart jasalǵan. Mıneraldy tyńaıtqyshtar alýda sharýashylyqtardyń 9 paıyzy ǵana kelisimge qol jetkizgen.
Osyndaı ózekti máselelerdi tilge tıek ete kelip, oblys ákiminiń birinshi orynbasary Aıdarbek Saparov óńirimizde «Sybaǵa», «Qulan», «Altyn asyq» baǵdarlamalary arqyly mal basy kóbeıgenmen, turǵyndardy jyl boıy jumyspen qamtýda túıindi máselerdiń baryn jasyrmady.
A.I.Baraev atyndaǵy astyq sharýashylyǵy ǵylymı-óndiristik ortalyǵynyń dırektory Jeksenbaı Qasqyrbaev septerıoz aýrýynyń órshýi saldarynan mol astyqtyń 30-70 paıyzynan aırylatynymyzdy kóldeneń tartty. Aýyl sharýashylyǵy qurylymdary mamandarynyń biliktiligin jetildirýge, kásibı sheberligin arttyrýǵa mán berilmegendikten, ǵylym jetistikteri men jańalyqtar eskerilmeı jatady.
Sınoptıkter bıyl aýa raıy qubylmaly bolady degen boljam jasap otyr. Sondyqtan kóktemniń ár kúnin utymdy paıdalanǵan mańyzdy.
«Sońǵy jyldary aýyl sharýashylyǵy qurylymdaryn qoldaýǵa «Agroónerkásip keshenderin damytý» baǵdarlamasy aıasynda 240 mıllıard teńge bólingen. Alaıda, byltyr eńbekaqy qory 13,5 mıllıard teńgeni ǵana quraǵan. Eńbekaqy qory aýyl sharýashylyǵy salasyna bólingen sýbsıdııa kóleminen eki jarym ese az. Bir sózben aıtqanda, memleket sýbsıdııa arqyly sizderdiń jumysshylaryńyzdyń eńbekaqysyn tólep otyr. Bólingen qarjynyń tıimdi jumsalýyn basty nazarǵa alý qajet», – dedi Q. Aqsaqalov.
Ol agroqurylym basshylarynyń jumysshylaryna laıyqty eńbekaqy tólemeı otyrǵanyn, sonyń saldarynan kadr turaqtamaýshylyǵyn qatty synǵa aldy. Aýdan ákimderine aýyl sharýashylyǵy taýaryn óndirýshilermen eńbekaqyny kóterý máselesin sheshýdi tapsyrdy.
О́mir ESQALI,
«Egemen Qazaqstan»
Soltústik Qazaqstan oblysy
