Qazaqstan pavılonynyń resmı operatory - «Ulttyq kınematografııa óneri men ǵylymdarynyń akademııasy» Qoǵamdyq birlestigi (QB). Atalǵan QB 70-shi Kann halyqaralyq kınofestıvalinde elimizdiń kınoındýstrııasyn tanystyrmaq. Birinshi Qazaqstandyq pavılon «Le Village International» kınonaryǵy aýmaǵynda Festıvalder saraıy qasynda bolady.
19 mamyr kúni Fransııanyń Ulttyq kınematografııa ortalyǵynyń alańynda Qazaqstan pavılonynyń ashylýyna oraı resmı qabyldaý sharasy ótpek. Baǵdarlamada kameralyq ishekti ansambldiń súıemeldeýimen Aıman Musaqojaeva men Dımash Qudaıbergen óner kórsetedi.
Oǵan Kann kınofestıvali men kınonaryǵynyń qonaqtary, qyzmetshileri, Fransııadaǵy QR elshiliginiń ókilderi, Kókshil jaǵalaýdaǵy mýnısıpaldy bılikter men kınokomıssııalardyń ókilderi shaqyrylǵan.
«Qazaqstan Ulttyq pavılony - Kann kınonaryǵynda qazaqstandyq kınematografısterdiń jumys isteýine arnalǵan alań. Operator retindegi kınoakademııanyń mindeti, elimizdiń kınoındýstrııasynyń qatysýshylaryna, onyń ishinde kınoóndirýshilerge, prokat jasaýshylarǵa, rental stýdııalarǵa, kınojelilerge pavılondy paıdalanýǵa múmkindik týǵyzý», - dedi kınoakademııa prezıdenti Rashıd Nuǵmanov.
Eń aldymen, pavılon aýmaǵynda kásibı kezdesýler ótkizilip, fılmderdi, jobalardy ilgeriletý men qyzmetter jóninde kelissózder júrgizýge jol ashylmaq.
