Koreıa Respýblıkasynyń Densaýlyq saqtaý jáne áleýmettik qamsyzdandyrý mınıstrligine qarasty KHIDI Úkimetiniń (Koreıa Respýblıkasy densaýlyq saqtaý ındýstrııasyn damytý ınstıtýty) ókilderimen bolǵan basqosýǵa atalǵan eldegi aldyńǵy qatarly tórt klınıkanyń mamandaryn KHIDI halyqaralyq densaýlyq saqtaý departamenitiniń dırektory O Djong Hı bastap keldi.
Ekijaqty áńgimede óńir basshysy mártebeli meımandarǵa aımaǵymyzǵa jasaǵan arnaıy jumys sapary úshin alǵys bildirip, aldaǵy ýaqytta Ońtústik Koreıa Respýblıkasynyń dárigerleri men Ońtústik Qazaqstan oblysyndaǵy atalǵan sala jetekshileri tájirıbe almasý maqsatynda tyǵyz qarym-qatynasta yntymaqtastyq ornatatynyna senim bildirdi.
«Ońtústik Qazaqstan oblysy Uly Jibek jolynyń boıy – toǵyz joldyń torabynda ornalasqan óńir. Aımaǵymyz Azııa men Eýropanyń qaq ortasyndaǵy meken deýge de keledi. Tabıǵaty qolaıly, klımaty tamasha oblysta elimiz boıynsha halyqtyń tyǵyz ornalasqanyn da aıta ketý kerek. Munan bólek, respýblıkanyń kúngeıinen oryn alǵan jermen otandyq jáne sheteldik azamattardyń jıi kelim-ketimi oryn alatynyn eskersek, bizdiń oblystan Ońtústik Koreıamen birlesken medısına salasyna baǵyttalǵan joǵary oqý ornyn salýǵa bolady dep esepteımin. Sonymen birge, óńirde qaıta oqytyp, bilimin jetildirýge bolatyn medısına salasynynyń mamandary kóp», - dedi ákim.
О́z kezeginde sóz alǵan KHIDI halyqaralyq densaýlyq saqtaý departamenitiniń dırektory O Djong Hı Ońtústiktegi medısınalyq qyzmet sapasyn arttyrý úshin eki baǵytta jumys istelý qajettigin aıtty. Onyń birinshisi - óńirdegi medısınaǵa zamanaýı tehnologııalar men medqurylǵylardy endirý bolsa, ekinshisi - dárigerlerdi biliktilikti arttyrý kýrstarynda oqytý. Oqytý jumystarynyń dál qazirgi tańda Saýd Arabııasyndaǵy dárigerlermen júrgizilip jatqanyn jetkizgen O Djong Hı myrza mundaı baılanystardyń Kýveıt memleketimen de uıymdastyrylyp jatqanyn málimdedi.
Jıyn qorytyndysy boıynsha taraptar birlesken jumystardy damytý sheńberinde ózara ýaǵdalasyp, Ońtústik Koreıanyń 4 klınıkasymen yntymaqtastyqty arttyrý maqsatynda Ońtústik Qazaqstan oblysynyń densaýlyq saqtaý basqarmasy men Koreıa Respýblıkasy densaýlyq saqtaý ındýstrııasyn damytý ınstıtýty (KHIDI) arasynda túzilgen yntymaqtastyq memorandýmyna qol qoıyldy.
